ஆம்பூா் அருகே ஷூ தொழிற்சாலையில் திங்கள்கிழமை தீ விபத்து ஏற்பட்டது.
ஆம்பூா் அருகே மாதனூா் ஒன்றியம், சின்னவரிக்கம் கிராமத்தில் தனியாா் ஷூ தொழிற்சாலை இயங்கி வருகிறது. திங்கள்கிழமை இரவு திடீரென தொழிற்சாலையில் தீப் பிடித்து எரியத் தொடங்கியது. தொழிற்சாலையின் மூலப் பொருள்கள் வைக்கப்பட்டிருந்த பகுதியில் முழுவதுமாக பரவியதால் மூலப் பொருள்கள் எரிந்து சேதமடைந்தன.
தகவலறிந்த ஆம்பூா் தீயணைப்புத் துறையினா் சம்பவ இடத்துக்குச் சென்று தீயை அணைத்தனா். உமா்ஆபாத் போலீஸாா் சம்பவ இடத்துக்குச் சென்று விசாரணை நடத்தினா்.