தமிழகத்தில் அடுத்த 10 ஆண்டுகளுக்குள் பசுமை பரப்பை 33 % -ஆக உயா்த்த முதல்வா் மு.க.ஸ்டாலின் நடவடிக்கை எடுத்து வருகிறாா் என கைத்தறி, துணிநூல் துறை அமைச்சா் ஆா்.காந்தி தெரிவித்தாா்.

ராணிப்பேட்டை மாவட்டத்தில் மாநில மரமான பனை மரங்களின் பரப்பை அதிகரிக்கும் நோக்கில், மாவட்ட நிா்வாகம் சாா்பில், 5 மணி நேரத்தில் 52 லட்சம் பனை விதைகள் விதைக்கும் சாதனை முயற்சிக்கு திங்கள்கிழமை ஏற்பாடு செய்யப்பட்டிருந்தது.

அதன்படி, மாவட்டத்தில் உள்ள 288 ஊராட்சிகளின் உதவியுடன், அந்தந்தப் பகுதியில், கடந்த ஒரு மாதத்துக்கும் மேலாக சேகரிக்கப்பட்ட 50 லட்சத்துக்கும் மேற்பட்ட பனை விதைகளை அந்தந்தப் பகுதி பொது மக்கள் மூலம் 5 மணி நேரத்தில் 52 லட்சம் பனை விதைகள் விதைக்கும் பணி திங்கள்கிழமை காலை 8 மணியளவில் தொடங்கப்பட்டது.

கலவை வட்டம், அரூா் ஊராட்சிக்குட்பட்ட தரிசு நிலத்தில் மாவட்ட ஆட்சியா் தெ.பாஸ்கர பாண்டியன் பனை விதையை விதைத்து தொடக்கி வைத்தாா்.

இதையடுத்து, வாலாஜா ஒன்றியம், தென்கடப்பந்தாங்கல் ஊராட்சிக்குட்பட்ட முசிறி சாலையில் அமிா்த சரோவா் திட்டத்தில் வெட்டப்பட்டுள்ள புதிய குளக்கரையில் பனை விதைகள் விதைக்கும் பணியை அமைச்சா் ஆா்.காந்தி தொடக்கி வைத்தாா்.

அப்போது அமைச்சா் கூறியதாவது...

தமிழகத்தில் தற்போது 22 சதவீதமாக உள்ள காடுகளின் பசுமை பரப்பை 33 சதவீதமாக உயா்த்த வேண்டும் என்ற நோக்கில் பசுமை தமிழகம் திட்டத்தின் மூலம் 2.60 கோடி மரக்கன்றுகளை நடுவதற்கு நடவடிக்கை எடுத்து வருகிறாா்.

அதன்படி, ராணிப்பேட்டை மாவட்ட நிா்வாகம் சாா்பில், மாவட்டம் முழுவதும் 5 மணி நேரத்தில் 52 லட்சம் பனை விதைகளை விதைக்கும் சாதனை முயற்சிக்கு பாராட்டுக்கள். ஏற்கெனவே அறிவிக்கப்பட்டுள்ள 6 புதிய மாவட்டங்களுக்கான மருத்துவக் கல்லூரி பட்டியலில் முதலாவதாக ராணிப்பேட்டை மாவட்டத்துக்கு விரைவில் புதிய மருத்துவக் கல்லூரி கொண்டு வர நடவடிக்கை எடுக்கப்பட்டு வருகிறது என்றாா்.

இந்த சாதனை முயற்சியை அங்கீகரித்து, அதற்கான சான்றிதழ், விருது வழங்கும் விழா ஆட்சியா் அலுவலக வளாகத்தில் திங்கள்கிழமை இரவு நடைபெற்றது.

அமைச்சா் காந்தி முன்னிலையில், ஆட்சியா் தெ.பாஸ்கர பாண்டியனிடம் எலைட் வோ்ல்ட் ரெக்காா்ட்ஸ், ஏஷியன் ரெக்காா்ட்ஸ் ஆஃப் அகாதெமி, தமிழன் புக் ஆஃப் ரெக்காா்ட்ஸ் ஆகிய நிறுவனங்களின் சாா்பில், 5 மணி நேரத்தில் 52 லட்சம் பனை விதைகள் நடவு செய்ததற்கான அங்கீகாரச் சான்றிதழ் மற்றும் விருது வழங்கப்பட்டது.

நிகழ்ச்சியில், மாவட்ட ஆட்சியா் தெ.பாஸ்கர பாண்டியன், மாவட்ட வருவாய் அலுவலா் ப.குமரேஸ்வரன், திட்ட இயக்குநா் ஜி.லோகநாயகி, ஆற்காடு எம்எல்ஏ ஜெ.எல்.ஈஸ்வரப்பன், மாவட்ட ஊராட்சிக் குழுத் தலைவா் ஜெயந்தி திருமூா்த்தி, வட்டார வளா்ச்சி அலுவலா்கள், பொதுமக்கள் உள்ளிட்டோா் பங்கேற்றனா்.

அரக்கோணத்தில்...

அரக்கோணம் ஊராட்சி ஒன்றியம், இச்சிபுத்தூா் ஊராட்சியில் ஊராட்சித் தலைவா் பத்மநாபன் தலைமையில், பொதுமக்கள் 1,000 போ் ஏரிக்கரையில் ஒரே இடத்தில் 10,000 பனை விதைகளை நட்டனா். ராணிப்பேட்டை மாவட்ட ஊரக வளா்ச்சி முகமை திட்ட இயக்குநா் லோகநாயகி ஆய்வு செய்தாா்.

ஒன்றியக் குழு உறுப்பினா் ஆஷா பாக்கியராஜ், ஊராட்சி மன்ற உறுப்பினா்கள் ராமசந்திரன், நாகராஜன், நிா்மலா, வெங்கடேசன், ஊராட்சிச் செயலாளா் இப்ராஹிம் உள்ளிட்டோா் பங்கேற்றனா்.