அரக்கோணம் அருகே மின்சாரம் பாய்ந்ததில் முதியவா் உயிரிழந்தாா்.

அரக்கோணத்தை அடுத்த கீழ்குப்பம், அருந்ததிபாளையத்தைச் சோ்ந்தவா் வீராசாமி(68). இவரது மகளுக்கு ஜூன் 23-ஆம் தேதி திருமணம் நடைபெற இருந்ததாம். அதற்காக வீட்டை புதன்கிழமை காலை வீராசாமி அழகுபடுத்திக் கொண்டிருந்துள்ளாா். அப்போது மின் விளக்கை எரிய வைக்க ஸ்விட்சில் கை வைத்தபோது மின்சாரம் பாய்ந்ததாகக் கூறப்படுகிறது. இதில் அவா் சம்பவ இடத்திலேயே உயிரிழந்தாா். இது குறித்து அரக்கோணம் நகர போலீஸாா் விசாரணை நடத்தி வருகின்றனா்.