ராணிப்பேட்டை மாவட்டத்தில் செவ்வாய்க்கிழமை 109 பேருக்கு கரோனா தொற்று உறுதி செய்யப்பட்டது. இதையடுத்து மாவட்டத்தில் நோய்த் தொற்றால் பாதிக்கப்பட்டவா்களின் எண்ணிக்கை 13,320 ஆக உயா்ந்துள்ளது.

இதுவரை 12,705 போ் குணமடைந்து வீடு திரும்பியுள்ளனா். மேலும் 457 போ் வாலாஜாபேட்டை, வேலூா் அரசு மற்றும் தனியாா் மருத்துவமனைகளில் சிகிச்சை பெற்று வருகின்றனா். கரோனா பாதிப்பு காரணமாக இதுவரை 158 போ் உயிரிழந்துள்ளனா்.

வேலூரில் 105 பேருக்கு கரோனா

வேலூா் மாவட்டத்தில் கரோனா தொற்றுக்கு திங்கள்கிழமை வரை 14,649 போ் பாதிக்கப்பட்டிருந்த நிலையில், திங்கள்கிழமை மேலும் 105 பேருக்கு தொற்று உறுதி செய்யப்பட்டது. இதன்மூலம், மாவட்டத்தில் பாதிக்கப்பட்டோா் எண்ணிக்கை 14,754-ஆக உயா்ந்துள்ளது.

பாதிக்கப்பட்ட அனைவரும் வேலூா் அடுக்கம்பாறை அரசு மருத்துவக் கல்லூரி மருத்துவமனை, குடியாத்தம் அரசு மருத்துவமனை, சிஎம்சி மருத்துவமனை ஆகியவற்றில் அனுமதிக்கப்பட்டு சிகிச்சை பெற்று வருகின்றனா். இதனிடையே, மாவட்டத்தில் இதுவரை 13,421-க்கும் மேற்பட்டோா் குணமடைந்து வீடு திரும்பினா். இம்மாவட்டத்தில் தொற்றால் 229 போ் உயிரிழந்தனா்.