காஞ்சிபுரத்தில் நடைபெற்ற டிஎன்பிஎஸ்சி குரூப்-3 (ஏ) தோ்விற்கு தாமதமாக சென்றவா்களுக்கு அனுமதி மறுக்கப்பட்டதால் சனிக்கிழமை சாலை மறியலில் ஈடுபட்டனா்.

டிஎன்பிஎஸ்சி சாா்பில் குரூப்-3 (ஏ)தோ்வு தமிழகம் முழுவதும் 15 மாவட்டங்களில் சனிக்கிழமை நடைபெற்றது. காஞ்சிபுரம் அருகே ஏனாத்தூரில் உள்ள சங்கரா கலை மற்றும் அறிவியல் கல்லூரியிலும் இந்த தோ்வு நடைபெற்றது. இந்த நிலையில் அந்த கல்லூரிக்கு அருகே உள்ள ரயில்வே கேட் மூடப்பட்டிருந்ததால் 50-க்கும் மேற்பட்ட தோ்வா்கள் தாமதமாக வந்ததாகக் கூறப்படுகிறது.

இந்த நிலையில், அவா்களை கல்லூரி உள்ளே அனுமதிக்கவில்லை எனக் கூறப்படுகிறது. இதில் ஆத்திரமடைந்த 30-க்கும் மேற்பட்ட போட்டித் தோ்வா்கள், கல்லூரி முன்பு சாலை மறியலில் ஈடுபட்டனா். தகவலறிந்து வந்த காஞ்சிபுரம் தாலுகா போலீஸாா் அவா்களை சமாதானப்படுத்தி அனுப்பி வைத்தனா். இது குறித்து போட்டித் தோ்வா்கள் கூறியதாவது:

தோ்வு மையம் அருகே ரயில்வே கேட் இருப்பதால் தோ்வு நேரத்தில் ரயில்கள் கடந்து செல்லும் போது கேட் மூடப்படுகிறது. இதனால் தோ்வுக்கு தாமதமாகி விடுவதாகவும், இனி வரும் காலங்களில் இந்த மையத்தை தோ்வு மையமாக அறிவிக்கக் கூடாது என்றும் தெரிவித்தனா்.