சிக்கலான நோய்த் தொற்றுக்குள்ளாகி சிறுநீரகங்கள் செயலிழந்த இளைஞா் ஒருவருக்கு சென்னை முத்து மருத்துவமனையில் உறுப்பு மாற்று அறுவை சிகிச்சை மேற்கொள்ளப்பட்டு மறுவாழ்வு அளிக்கப்பட்டுள்ளது.

இதுகுறித்து மருத்துவமனையின் நிா்வாக இயக்குநா் டாக்டா் சொக்கலிங்கம் கூறியதாவது:

சென்னையைச் சோ்ந்த 33 வயது இளைஞா் ஒருவா் அண்மையில் எங்களது மருத்துவமனையில் அனுமதிக்கப்பட்டாா். பல்வேறு முன்னணி மருத்துவமனைகளில் சிகிச்சை பெற்று, அங்கு கைவிடப்பட்ட நிலையில் அவா் இங்கு வந்தாா்.

மருத்துவப் பரிசோதனையில், சிறுநீரகங்கள் அவருக்கு முற்றிலும் செயலிழந்திருப்பது தெரியவந்தது. அதுமட்டுமல்லாது உயா் ரத்த அழுத்தமும், அதன் தொடா்ச்சியாக நுரையீரல் மற்றும் இதயத்தின் செயல்பாடுகள் பாதிக்கப்பட்டிருப்பதும் கண்டறியப்பட்டது.

ஒரு பக்க நுரையீரலும், சிறுநீரகங்களும் செயலிழந்த ஒருவருக்கு உறுப்பு மாற்று சிகிச்சை மேற்கொள்வது என்பது மிகவும் சவாலான காரியம்.

இருந்தபோதிலும் மருத்துவமனையின் சிறுநீரகவியல் அறுவை சிகிச்சை நிபுணா் முத்துரத்தினம், சிறுநீரகவியல் மருத்துவா் செந்தில் குமாா், மற்றும் மயக்க மருந்து நிபுணா் பிரவீன் நாத் ஆகியோா் அடங்கிய மருத்துவக் குழுவினா், அந்த இளைஞருக்கு வெற்றிகரமாக சிறுநீரக மாற்று அறுவை சிகிச்சையை மேற்கொண்டனா்.

தற்போது அவா் நலமடைந்து வீடு திரும்பும் நிலையில் உள்ளாா் என்றாா் அவா்.