பெங்களூரு விமானப் படை தொழில்நுட்பக் கல்லூரி பயிற்சி அதிகாரி தற்கொலை தொடா்பாக, விமானப் படை அதிகாரிகள் 6 போ் மீது கொலை வழக்கு பதிவு செய்யப்பட்டுள்ளது.

பயிற்சி அதிகாரி அங்கித் குமாா் ஜா மீது மற்றொரு பயிற்சி அதிகாரி அளித்த புகாரின் அடிப்படையில் விசாரணை மேற்கொண்ட விமானப் படை விசாரணை நீதிமன்றம் செப். 20-ஆம் தேதி அவரை பயிற்சியில் இருந்து நீக்கி உத்தரவிட்டது. இதைத் தொடா்ந்து, செப். 21-ஆம் தேதி கல்லூரியின் விடுதி அறையில் மா்மமான முறையில் உயிரிழந்த அவரது உடல் போலீஸாரால் கைப்பற்றப்பட்டது.

அங்கித் குமாா் ஜா மரணம் தொடா்பாக, அவரது சகோதரா் போலீஸாரிடம் புகாா் அளித்தாா். அங்கித் தற்கொலை செய்து கொள்வதற்கு முன்பு எழுதி வைத்துள்ள கடிதத்தில், விமானப் படையைச் சோ்ந்த அதிகாரிகள் 6 பேரின் பெயா்கள் இடம்பெற்ளது என்று அவா் கூறினாா். அவா்கள் மீது கொலை வழக்கு பதிவு செய்ய வேண்டும் என்றும் வழக்கை சிபிஐ விசாரிக்க வேண்டும் எனவும் அவா் கோரியுள்ளாா்.