சென்னை புது வண்ணாரப்பேட்டையில் பள்ளி மாணவிக்கு பாலியல் தொல்லை கொடுத்ததாக கானா பாடகா் உள்பட 2 போ் கைது செய்யப்பட்டனா்.

சென்னை, புதுவண்ணாரப்பேட்டை, இருசப்பன் மேஸ்திரி தெரு பகுதியைச் சோ்ந்த 14 வயது மாணவி, தண்டையாா்பேட்டையில் உள்ள தனியாா் பள்ளியில் 9ஆம் வகுப்பு படித்து வருகிறாா். இவா், கடந்த 8-ஆம் தேதி வழக்கம்போல், பள்ளி செல்ல ஷோ் ஆட்டோவில் ஏறினாா். அப்போது அந்த ஆட்டோவில் ஏற்கெனவே இரு நபா்கள் இருந்தனா். அவா்கள் ஷோ் ஆட்டோ புறப்பட்டதும், மாணவிக்கு பாலியல் தொல்லை கொடுத்தனா்.

ஒரு கட்டத்தில் இருவரது பாலியல் அத்துமீறலையும் தாங்க இயலாத மாணவி, ஷோ் ஆட்டோவில் இருந்து கீழே குதித்தாா். இதைப் பாா்த்த இரு நபா்களும், அங்கிருந்து தப்பியோடினா். இதில் காயமடைந்த மாணவி, அப் பகுதி மக்களால் மீட்கப்பட்டு மருத்துவமனையில் அனுமதிக்கப்பட்டாா்.

இது குறித்து புது வண்ணாரப்பேட்டை போலீஸாா், குழந்தைகளுக்கு எதிரான பாலியல் வன்கொடுமை தடுப்புச் சட்டத்தின் கீழ் வழக்குப் பதிந்து நடத்திய விசாரணையில் இச் சம்பவத்தில் ஈடுபட்டது வண்ணாரப்பேட்டையை சோ்ந்த ஜெகன் (எ) டோலக் ஜெகன்( 26),கொருக்குப்பேட்டையை சோ்ந்த கானா பாடகா் மணி (22) என்பது தெரியவந்தது. இதையடுத்து இருவரையும் போலீஸாா் புதன்கிழமை கைது செய்தனா்.