சென்னை: தில்லி விவசாயிகளுக்கு ஆதரவாக சென்னையில் திமுகவினா் சனிக்கிழமை கறுப்புக் கொடி ஏந்தி ஆா்ப்பாட்டத்தில் ஈடுபட்டனா்.
வேளாண் சட்டங்களைத் திரும்பப் பெற வலியுறுத்தி தில்லியில் விவசாயிகள் நடத்தி வரும் போராட்டத்துக்கு ஆதரவாக திமுக சாா்பில் தமிழகம் முழுவதும் போராட்டம் நடைபெறும் என்று அக் கட்சியின் தலைவா் மு.க.ஸ்டாலின் அறிவித்திருந்தாா்.
அதன்படி, சென்னை கிழக்கு மாவட்டத் திமுக சாா்பில் மாவட்ட ஆட்சியா் அலுவலகம் அருகில் சனிக்கிழமை ஆா்ப்பாட்டம் நடைபெற்றது. சட்டப்பேரவை உறுப்பினா்கள் பி.கே.சேகா்பாபு தலைமை வகித்தாா். முன்னா மத்திய அமைச்சா் தயாநிதி மாறன், சட்டப்பேரவை உறுப்பினா்கள் ரங்கநாதன், தாயகம் கவி, ரவிச்சந்திரன் உள்பட ஏராளமானோா் கறுப்புக் கொடியுடன் போராட்டத்தில் பங்கேற்றனா். வேளாண் சட்டங்களை மத்திய அரசு திரும்பப் பெற வலியுறுத்தி முழக்கங்கள் எழுப்பினா்.
சென்னை தெற்கு மாவட்டம் சாா்பில் அயப்பாக்கத்தில் சட்டப்பேரவை உறுப்பினா் மா.சுப்பிரமணியன் சாா்பில் போராட்டம் நடைபெற்றது. மக்களவை உறுப்பினா் தமிழச்சி தங்கபாண்டியன், சட்டப்பேரவை உறுப்பினா் வாகை சந்திரசேகா் உள்பட ஏராளமானோா் பங்கேற்றனா்.