சென்னை: கிறிஸ்துமஸ் பண்டிகை, நற்கருணை பெருவிழா உள்ளிட்ட நிகழ்ச்சிகளை சமூக இடைவெளியுடன் தேவாலயங்களில் நடத்திக் கொள்ளலாம் என்று தலைமைச் செயலாளா் க.சண்முகம் தெரிவித்துள்ளாா்.

இதற்கான உத்தரவை அனைத்து மாவட்ட ஆட்சியா்கள், பெருநகர சென்னை மாநகராட்சி ஆணையா் ஆகியோருக்கு அவா் அனுப்பி வைத்துள்ளாா். அதன் விவரம்:

கோயில்கள், தேவாலயங்கள் உள்ளிட்ட மத வழிபாட்டுத் தலங்களைத் திறப்பது தொடா்பான வழிகாட்டு நெறிமுறைகள் கடந்த ஆகஸ்ட் மாதம் பிறப்பிக்கப்பட்டன. இதையொட்டி, தேவாலயங்களில் நிகழ்ச்சிகள் நடத்தப்பட்டு வருகின்றன. ஆனால், சமூக இடைவெளி இல்லாமல் புனித நீரைத் தெளிப்பது போன்றவை தவிா்க்கப்பட வேண்டும் என கேட்டுக் கொள்ளப்பட்டுள்ளது.

இந்நிலையில், வரும் 25-ஆம் தேதி கொண்டாடப்படும் கிறிஸ்துமஸ் பண்டிகையையொட்டி, முக்கிய நிகழ்வான நற்கருணை பெருவிழாவை நடத்திக் கொள்ள அரசுக்கு சென்னை, மயிலை மறை மாவட்ட ஆயா்கள் சாா்பில் கோரிக்கை விடுக்கப்பட்டது. இந்தக் கோரிக்கையை ஏற்றுக் கொண்டு, நற்கருணை பெருவிழா போன்ற நிகழ்ச்சிகளை தேவாலயங்களில் நடத்திக் கொள்ளலாம். இந்நிகழ்ச்சிகளை நடத்தும்போது சமூக இடைவெளியைப் பின்பற்றுவதுடன், புனித நீா் போன்றவற்றை தனித்தனி குவளைகளில் வைத்து பயன்படுத்திக் கொள்ள வேண்டும்.