காஞ்சிபுரம் மாவட்டம் சாலவாக்கம் காவல் நிலையத்தில் இளம்பெண் ஒருவா் 4 இளைஞா்கள் சோ்ந்து தன்னை கூட்டு பாலியல் வன்கொடுமை செய்ததாக பொய்யான புகாரை கொடுத்து நாடகம் ஆடியிருப்பதாக எஸ்பி எம்.சுதாகா் தெரிவித்தாா்.

பெரம்பலூா் மாவட்டம் வேப்பந்தட்டை கிராமத்தைச் சோ்ந்த அனுசுயா(21). இவா் சென்னை சைதாப்பேட்டையில் உள்ள தனியாா் வங்கி ஒன்றில் பணியாற்றி வருகிறாா்.

தன்னை 4 இளைஞா்கள் கூட்டு சோ்ந்து பாலியல் வன்கொடுமை செய்து விட்டதாக சாலவாக்கம் காவல் நிலையத்தில் சனிக்கிழமை புகாா் செய்தாா். அப்புகாரில் செங்கல்பட்டு ரயில் நிலையத்திலிருந்து 4 போ் என்னை ஒரு காரில் கடத்திச் சென்று சாலவாக்கம் அருகே வனப்பகுதியில் பாலியல் வன்கொடுமை செய்தனா். பின்னா் அவா்களிடம் இருந்து தப்பித்து வந்தாகவும் குறிப்பிட்டிருந்தாா்.

புகாரைப் பெற்ற காவல்துறையினா் உடனடியாக விசாரணையில் இறங்கினா்.

செங்கல்பட்டு மருத்துவக் கல்லூரிக்கு அழைத்து சென்று மருத்துவப் பரிசோதனையும் மேற்கொண்டதில் அவா் பாலியல் வன்கொடுமை செய்யப்படவில்லை எனத் தெரிய வந்துள்ளது. இதனைத் தொடா்ந்து போலீஸாா் அப்பெண்ணிடம் நடத்திய விசாரணையில் காஞ்சிபுரம் மாவட்டம் மலையாங்குளம் கிராமத்தை சோ்ந்த சலீம் (22) என்பவரை காதலித்து வந்திருப்பதும்,அவா் திருமணம் செய்து கொள்வதாக ஆசை வாா்த்தை கூறி ஏமாற்றியிருப்பதால் அவரை சிக்க வைக்க அனுசுயா நாடகம் ஆடியிருப்பதும் தெரிய வந்தது.

இது குறித்து காஞ்சிபுரம் எஸ்பி எம்.சுதாகா் கூறுகையில் தன்னை கடத்திச் சென்று பாலியல் வன்கொடுமை செய்ததாக உண்மைக்கு புறம்பான புகாரை அனுசுயா கொடுத்துள்ளாா். அவா் கூறிய சில நபா்களை உடனடியாக கைபேசி மூலம் விசாரணை செய்ததில் அவா்கள் 4 பேரும் வெவ்வேறு ஊா்களில் இருந்ததை தெரிந்து கொண்டோம். அவா் சலீமை சிக்க வைக்க பொய்ப் புகாா் கொடுத்திருப்பதும் தெரிய வந்தது. அப்பெண்ணை ஏமாற்றியிருப்பதால் சலீமையும் அழைத்து வந்து விசாரணை நடத்தி வருகிறோம் என்றாா்.