செங்கல்பட்டு மாா்க்கெட்டில் அகற்றப்பட்ட நடைபாதை கடை வியாபாரிகளுடன் புதன்கிழமை அதிகாரிகள் நடத்திய பேச்சுவாா்த்தை தோல்வியடைந்தது.

இந்தக் கூட்டம் செங்கல்பட்டு நகராட்சி நகா்மன்ற கூட்டரங்கில் நடைபெற்றது. நகராட்சி ஆணையா் ராஜலட்சுமி, நகா்மன்றத் தலைவா் தேன்மொழி நரேந்திரன், செங்கல்பட்டு டி.எஸ்.பி. பாரதி, ஆய்வாளா்கள் (நகரம்) வடிவேல்முருகன், (கிராமியம்) அசோகன் ஆகியோா் வியாபாரிகளுடன் பேச்சுவாா்த்தையில் ஈடுபட்டனா்.

போக்குவரத்துக்கு இடையூறாக இருப்பதாக வந்த புகாா்களை அடுத்து நகா்மன்ற கூட்டத்தில் நடைபாதை கடைகளை அகற்ற தீா்மானம் நிறைவேற்றப்பட்டுள்ளதாகவும், அதனால் உங்களுக்கு இடம் ஒதுக்கப்பட்ட உழவா் சந்தையில் கடைகளை வைத்துக் கொள்ளுமாறு அதிகாரிகள் கூறினா்.

அதற்கு மாா்க்கெட்டிலேயே இடம் உள்ளது. உழவா் சந்தைப் பகுதிக்கு மக்கள் அதிகம் வரமாட்டாா்கள். 42 ஆண்டுகளாக இந்த இடத்தை நம்பித்தான வாழ்வாதாரம் உள்ளது. இந்தக் கடைகளுக்கு நகராட்சியால் ரூ. 14 லட்சம் வரை ஏலம் விடப்பட்டுள்ளது. இதன் மூலம் நகராட்சிக்கு வருமானம் அளித்துள்ளோம்.

எனவே, எங்களின் வாழ்வாதாரம் பாதிக்கப்படாமல் மாா்க்கெட்டிலேயே கடைகள் வைப்பதற்கு வரைமுறை வகுத்து தருமாறும், அந்த எல்லைக்குள் கடைகளை வைத்து கொள்வதாகவும் வியாபாரிகள் கூறினா்.

இந்தப் பேச்சுவாா்த்தையில் உடன்பாடு ஏற்படாததால் வியாபாரிகளும் அதிகாரிகளும் கூட்டத்தை முடித்துக் கொண்டு கிளம்பிச் சென்றனா். பேச்சுவாா்த்தை முடிவுக்கு வராததால் போராட்டம் தொடரும் என வியாபாரிகள் தெரிவித்தனா்.