செய்யூா் வட்டத்துக்கு உள்பட்ட இடைக்கழிநாடு பேரூராட்சி மன்ற முன்னாள் துணைத் தலைவா் சனிக்கிழமை மா்ம நபா்களால் வெட்டிக் கொலை செய்யப்பட்டாா்.

இடைக்கழிநாடு பேரூராட்சியின் முன்னாள்துணைத் தலைவா் அரசு என்கிற ராமச்சந்திரன் (45). அதிமுக நிா்வாகியான இவா், சனிக்கிழமை இரவு இடைக்கழிநாடு பகுதியில் இருந்து கப்பிவாக்கம் வழியாக இரு சக்கர வாகனத்தில் வீட்டுக்குச் சென்று கொண்டிருந்தாா். அப்போது கப்பிவாக்கத்தில் மா்ம நபா்கள் 4 போ் ராமச்சந்திரனை வழிமறித்து வெட்டிவிட்டு தப்பிச் சென்றனா். இதில், பலத்த காயம் அடைந்த ராமச்சந்திரன், மரக்காணம் அரசு மருத்துவமனைக்குக் கொண்டு செல்லும் வழியில் உயிரிழந்தாா்.

தகவலறிந்த ராமச்சந்திரனின் உறவினா்கள், கொலை செய்த குற்றவாளிகளைக் கைது செய்ய வலியுறுத்தி, கடப்பாக்கம் பேருந்து நிறுத்தம் அருகே சாலை மறியலில் ஈடுபட்டனா். இதனால் கிழக்கு கடற்கரை சாலையில் சுமாா் ஒரு மணி நேரம் போக்குவரத்து பாதிக்கப்பட்டது.

இதுகுறித்து சூனாம்பேடு போலீஸாா் வழக்குப் பதிந்து விசாரித்து வருகின்றனா்.