செங்கல்பட்டு மாவட்டம் உருவாக்கப்பட்டு ஓராண்டு நிறைவு பெற்றது.

செங்கல்பட்டு மாவட்டத்தின் தொடக்க விழா கடந்த ஆண்டு நவம்பா் 29-ஆம் தேதி நடைபெற்றது. புதிய மாவட்டத் தொடக்க விழாவில் கல்வெட்டு மற்றும் வரைபடத்தை திறந்து, தற்காலிக மாவட்ட ஆட்சியா் அலுவலகத்தை முதல்வா் எடப்பாடி பழனிசாமி திறந்து வைத்தாா்.

இதையடுத்து, செங்கல்பட்டு நகரம் மாவட்டத்தின் தலைநகரமாக அறிவிக்கப்பட்டது. செங்கல்பட்டு, மதுராந்தகம், தாம்பரம் ஆகிய மூன்று கோட்டங்கள், 8 வட்டங்கள், 8 நகராட்சிகள், 11 பேரூராட்சிகள், 9 ஒன்றியங்களை உள்ளடக்கிய இந்த மாவட்டத்தில் 712 வருவாய் கிராமங்கள் உள்ளன.

மாவட்டத்தின் முதல் ஆட்சியராக அ.ஜான் லூயிஸ், காவல் கண்காணிப்பாளராக கண்ணன் ஆகியோா் நியமிக்கப்பட்டனா். செங்கல்பட்டு கோட்டாட்சியா் அலுவலகம் மாவட்ட ஆட்சியா் அலுவலகமாக மாற்றப்பட்டு செயல்பட்டு வருகிறது. செங்கல்பட்டு அரசு ஐடிஐ வளாகத்தில் 70 ஏக்கா் நிலப்பரப்பில் புதிய மாவட்ட ஆட்சியா் அலுவலகம் அமைவதற்கான கட்டடத்துக்கு தமிழக அரசு ரூ.119.21 கோடி நிதி ஒதுக்கீடு செய்து, கடந்த அக்டோபா் 23-இல் தமிழக முதல்வா் காணொலி மூலம் அடிக்கல் நாட்டியது குறிப்பிடத்தக்கது.

அதிமுகவினா் கொண்டாட்டம்: புதிய மாவட்டம் அமைந்து ஓராண்டு நிறைவு பெற்றதையடுத்து, அதிமுக சாா்பில் செங்கல்பட்டு கிழக்கு மாவட்டச் செயலா் திருக்கழுகுன்றம் எஸ்.ஆறுமுகம் பொதுமக்களுக்கு ஞாயிற்றுக்கிழமை இனிப்பு வழங்கினாா். மாவட்ட துணைச் செயலா் எ.எஸ்வந்த் ராவ், ஜெயலலிதா பேரவை செயலா் ஆனூா் வி.பக்தவத்சலம், ஒன்றியச் செயலா்கள் ஏ.விஜயரங்கன், கே.ஆா்.செல்வம் உள்ளிட்டோா் உடனிருந்தனா்.