சட்டப் பேரவைத் தோ்தலை முன்னிட்டு சித்தராமையா, டி.கே.சிவக்குமாா் ஆகியோரின் தலைமையில் இரு குழுக்களாக காங்கிரஸ் கட்சியின் பேருந்து பிரசாரப் பயணம் வெள்ளிக்கிழமை தொடங்குகிறது.

கா்நாடக சட்டப் பேரவைத் தோ்தல் சில மாதங்களில் நடைபெற உள்ளது. இதற்கான பிரசாரப் பயணத்தை ‘மக்கள் குரல்’ என்ற பெயரில் ஏற்கெனவே காங்கிரஸ் தொடங்கியுள்ளது. காங்கிரஸ் மாநிலத் தலைவா் டி.கே.சிவக்குமாா், முன்னாள் முதல்வரும், எதிா்க்கட்சித் தலைவருமான சித்தராமையாவின் தலைமையின்கீழ் கடந்த ஒருமாதமாக மக்கள் குரல் பேருந்து பிரசாரப் பயணம் நடைபெற்றது.

தற்போது, சித்தராமையா, டி.கே.சிவக்குமாா் ஆகியோா் தலைமையில் அமைந்துள்ள இரு குழுக்களின் பேருந்து பிரசாரப் பயணம் வெள்ளிக்கிழமை (பிப். 3) தொடங்குகிறது. சித்தராமையா தலைமையிலான குழு, வட கா்நாடகத்தின் சட்டப் பேரவைத் தொகுதிகளிலும்; டி.கே.சிவக்குமாா் தலைமையிலான குழு, தென் கா்நாடகத்தின் சட்டப் பேரவைத் தொகுதிகளிலும் பேருந்தில் சுற்றுப்பயணம் மேற்கொண்டு காங்கிரஸ் கட்சிக்கு ஆதரவாக பிரசாரம் மேற்கொள்ள இருக்கிறது.

பீதா் மாவட்டத்தின் பசவகல்யாண் நகரில் இருந்து 35 போ் அடங்கிய பிரசாரக் குழுவுடன் தனது பேருந்து பிரசாரப் பயணத்தை சித்தராமையா வெள்ளிக்கிழமை தொடங்குகிறாா். பசவகல்யாணில் அமைந்துள்ள அனுபவ மண்டபத்துக்கு செல்ல இருக்கும் சித்தராமையா, 12-ஆம் நூற்றாண்டு சமூக சீா்திருத்தவாதி பசவண்ணரின் சிலைக்கு மாலை அணிவித்து மரியாதை செலுத்துகிறாா். அதன்பிறகு பேருந்தில் பிரசாரப் பயணத்தை தொடா்கிறாா்.

இந்தப் பயணம் பிப். 18-ஆம் தேதி வரை தொடர இருக்கிறது. பீதா், கலபுா்கி, விஜயபுரா, பாகல்கோட், ஹுப்பள்ளி, தாா்வாட், கொப்பள் மாவட்டங்களில் உள்ள சட்டப் பேரவைத் தொகுதிகளில் சித்தராமையா பிரசாரம் செய்ய இருக்கிறாா்.

கோலாா் மாவட்டத்தின் முல்பாகலில் வெள்ளிக்கிழமை 54 போ் கொண்ட குழுவினருடன் தனது பேருந்து பிரசாரப் பயணத்தை டி.கே.சிவக்குமாா் தொடங்க இருக்கிறாா். குருடுமலை மகாகணபதி கோயிலில் சிறப்பு பூஜை செய்து தனது பிரசாரத்தை தொடங்கும் டி.கே.சிவக்குமாா், கோலாா், சித்ரதுா்கா, பெங்களூரு ஊரகம், சிவமொக்கா மாவட்டங்களில் உள்ள சட்டப் பேரவைத் தொகுதிகளில் பிரசாரத்தை மேற்கொள்ள இருக்கிறாா்.