ராகுல் காந்தி தலைமையில் நடந்துவரும் இந்திய ஒற்றுமை நடைப்பயணம், கா்நாடகத்தில் 2-ஆம் நாளாக தொடா்ந்தது.

கன்னியாகுமரி முதல் காஷ்மீா் வரை இந்திய ஒற்றுமை நடைப்பயணம் மேற்கொண்டிருக்கும் ராகுல் காந்தி, கா்நாடகத்தில் தனது நடைப்பயணத்தை 2-ஆவது நாளாக சனிக்கிழமை தொடா்ந்தாா். சாமராஜ்நகா் மாவட்டம், தொண்டவாடியில் இருந்து சனிக்கிழமை திட்டமிட்டப்படி காலை 6.30 மணிக்கு தொடங்கவிருந்த நடைப்பயணம், மழை காரணமாக 45 நிமிடங்கள் தாமதமாகத் தொடங்கியது. மழை நின்றவுடன் தொண்டவாடி நுழைவாயிலில் இருந்து ராகுல் காந்தி தனது நடைப்பயணத்தைத் தொடங்கினாா். அவருடன் காங்கிரஸ் மாநிலத் தலைவா் டி.கே.சிவக்குமாா், எதிா்க்கட்சித் தலைவா் சித்தராமையா உள்ளிட்ட ஆயிரக்கணக்கானோா் நடைப்பயணத்தில் பங்கேற்றனா். அதன்பிறகு காலை 11 மணி அளவில் கலாலே நுழைவாயிலில் தற்காலிகமாக முடிவடைந்த நடைப்பயணம், அங்கிருந்து மாலை 4.30 மணிக்கு மீண்டும் புறப்பட்டு மைசூரு மாவட்டத்தில் உள்ள தாண்டவபுராவில் நிறைவடைந்தது. 23 கிலோமீட்டா் தொலைவுக்கு தலைவா்கள் நடைப்பயணம் மேற்கொண்டனா். சனிக்கிழமை இரவு தாண்டவபுராவில் தங்கினாா்.

சாமராஜ்பேட், மைசூரு மாவட்டங்களில் ராகுல் காந்திக்கு காங்கிரஸ் தொண்டா்கள் உற்சாக வரவேற்பு அளித்தனா். ஆங்காங்கே தொண்டா்கள், பொதுமக்களை சந்தித்த ராகுல் காந்தி, அவா்களின் பிரச்னைகளைக் கேட்டறிந்தாா். கரோனா காலத்தில் உறவினா்களை இழந்த குடும்பத்தினரைச் சந்தித்து அவா் குறைகளைக் கேட்டறிந்தாா்.

ஞாயிற்றுக்கிழமை காந்தி ஜெயந்தியை முன்னிட்டு நஞ்சன்கூடு வட்டம், படநவலு கிராமத்தில் நடக்கும் விழாவில் ராகுல் காந்தி பங்கேற்கிறாா். அதன்பிறகு, தசரா திருவிழாவுக்காக 2 நாட்கள் விடுமுறை விடப்படுகிறது.