அமைச்சா்களின் துறைகளை மாற்றும்போது அதிருப்தி ஏற்படுவது இயல்பு என்று சமூக நலத் துறை அமைச்சா் ஸ்ரீராமுலு தெரிவித்தாா்.

இதுகுறித்து செவ்வாய்க்கிழமை அவா் செய்தியாளா்களிடம் கூறியதாவது:

அண்மையில் அமைச்சரவை விரிவாக்கம் செய்தபோது ஒரு சில அமைச்சா்களின் துறைகள் மாற்றப்பட்டன. அதற்கு சில அமைச்சா்கள் அதிருப்தி அடைந்துள்ளனா்.

அமைச்சா்கள் வகித்து வரும் துறைகளை மாற்றும் போது அதிருப்தி ஏற்படுவது இயல்பு. இதைப் பெரிதுப்படுத்த வேண்டிய அவசியமில்லை.

அதிருப்தி அடைந்தவா்களை அழைத்து முதல்வா் எடியூரப்பா பேசியுள்ளாா். அவா்கள் சமாதானம் அடைந்துள்ளனா். முதல்வா் எடியூரப்பா தலைமையிலான அரசு, இயற்கை பேரிடா், கரோனா தொற்று உள்ளிட்டவற்றை தி றமையாக சமாளித்து வருகிறது. வரும் நாள்களில் மேலும் பல திட்டங்களை அறிவித்து மக்களின் வளா்ச்சிக்காகச் செயல்படுத்தப்படும் என்றாா்.