அமெரிக்காவில் மராத்திய மன்னா் சத்ரபதி சிவாஜி சிலை திருடப்பட்டது தொடா்பாக காவல் துறையினா் விசாரணை மேற்கொண்டு வருகின்றனா்.
மகாராஷ்டிர மாநிலம் புணேயில் இருந்து பரிசாக அனுப்பப்பட்ட சத்ரபதி சிவாஜி சிலை, அமெரிக்காவின் கலிஃபோா்னியாவில் உள்ள சான் ஜோஸ் நகரப் பூங்காவில் நிறுவப்பட்டிருந்தது. அது வட அமெரிக்காவில் இருந்த ஒரேயொரு சிவாஜி சிலையாகும். அந்தச் சிலை திருடப்பட்டுள்ளது. அது எப்போது திருடப்பட்டது என்பது தெரியவில்லை. இதுகுறித்து காவல் துறையினா் விசாரணை மேற்கொண்டு வருகின்றனா் என்று அந்நாட்டில் செயல்படும் கேடிவியூ செய்தித் தொலைக்காட்சி தெரிவித்துள்ளது.