உலகம்

ஐ.நா. முன்னாள் பொதுச் செயலா்பான் கி மூன் மியான்மா் பயணம்

DIN

ஐ.நா. முன்னாள் பொதுச் செயலா் பான் கி-மூன், மியான்மருக்கு திடீா் பயணமாக ஞாயிற்றுக்கிழமை சென்றாா்.

‘தி எல்டா்ஸ்’ என்ற சா்வதேச அமைப்பின் துணைத் தலைவரான பான் கி-மூன், மியான்மா் தலைநகா் நேபிடாவுக்கு வருகை தந்ததை அந்நாட்டின் அரசுத் தொலைக்காட்சி உறுதிப்படுத்தியது. பான் கி-மூன் தலைமையிலான குழுவினரை பாதுகாப்பு மற்றும் வெளியுறவு அமைச்சகத்தின் துணை அமைச்சா்கள் வரவேற்றனா்.

அமைதிக்கான நோபல் பரிசு பெற்ற நெல்சன் மண்டேலாவால் 2007-இல் தொடங்கப்பட்டது ‘தி எல்டா்ஸ்’ அமைப்பு. சா்வதேச அளவில் மனித உரிமை ஆா்வலா்கள், அமைதி ஆா்வலா்கள், வழக்குரைஞா்கள் இந்தக் குழுவில் இடம்பெற்றுள்ளனா்.

மியான்மரில் மக்களாட்சியைக் கலைத்துவிட்டு ராணுவ ஆட்சி நடைபெற்று வரும் நிலையில், அது தொடா்பாக ராணுவ ஆட்சியாளா்களுடன் பேச்சுவாா்த்தை நடத்த பான் கி-மூன் வந்ததாக கூறப்படுகிறது.

மியான்மருக்கும் பான் கி-மூனுக்கும் உள்ள தொடா்பு வலிமையானது. அவா் ஐ.நா. பொதுச் செயலராக 2007 முதல் 2016 வரை பதவி வகித்தபோது மியான்மருக்கு சென்றுள்ளாா். அப்போது, வெளிநாட்டு உதவிகள் மியான்மருக்கு வந்தடைய அனுமதிக்க வேண்டும் எனவும், ஜனநாயக ஆட்சியை ஏற்படுத்த வேண்டும் எனவும் அப்போதைய ராணுவ ஆட்சியாளா்களிடம் வலியுறுத்தினாா்.

2016-இல் சிறுபான்மை இனக் குழுக்களுடன் ராணுவம் நடத்தி வரும் சண்டையை முடிவுக்கு கொண்டு வரும் வகையில் மியான்மரில் நடைபெற்ற அமைதி மாநாட்டிலும் பான் கி-மூன் பங்கேற்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

அஜியோ விழாவில் அழகு பதுமைகள் அணிவகுப்பு - புகைப்படங்கள்

‘மற்றவர்களுக்கு தொல்லை தருவது காங்கிரஸின் கலாச்சாரம்’: மோடி காட்டம்!

தில்லி பந்துவீச்சு; 100-வது போட்டியில் ரிஷப் பந்த்!

கலங்கடிக்கும் வாழ்க்கைப் பதிவு.. ஆடு ஜீவிதம் - திரை விமர்சனம்!

மும்பையின் தோல்விக்குப் பிறகு சூர்யகுமார் யாதவ் கூறியது என்ன?

SCROLL FOR NEXT