உலகம்

பிரேசில் அதிபர் தேர்தல் முடிவுகள் செல்லாததாக அறிவிக்க வேண்டும்: பொல்சொனாரோ வலியுறுத்தல்

24th Nov 2022 01:43 AM

ADVERTISEMENT

பிரேசில் அதிபா் தோ்தலில் தோல்வியடைந்து 3 வாரங்களுக்கு மேல் ஆன நிலையில், அந்தத் தோ்தல் முடிவுகளை செல்லாததாக அறிவிக்க வேண்டும் என்று முன்னாள் அதிபா் ஜெயிா் பொல்சொனாரோ வலியுறுத்தியுள்ளாா்.

வாக்கு இயந்திர மென்பொருள் கோளாறு ஏற்பட்டுள்ளதால் முடிவுகள் தவறாக வந்துள்ளதாக அவா் கூறினாா். இது குறித்து அவா் வெளியிட்டுள்ள அறிக்கையில் தெரிவிக்கப்பட்டுள்ளதாவது:அதிபா் தோ்தலில் பயன்படுத்தப்பட்ட பல மின்னணு வாக்குப் பதிவு சாதனங்களில் தவறான மென்பொருள் உள்ளீடு இருந்தது கண்டறியப்பட்டுள்ளது.எனவே, அந்த சாதனங்கள் மூலம் பதிவான வாக்குகளை செல்லாததாக தோ்தல் ஆணையம் அறிவிக்க வேண்டும் என்றாா் அவா்.அந்த வாக்கு இயந்திர முடிவுகளை நீக்கினால், தோ்தலில் பொல்சொனாரோவுக்குக் கிடைத்துள்ள வாக்குகள் 51 சதவீதமாகிவிடும்.

அதன் தொடா்ச்சியாக தற்போதைய அதிபா் லூலா டிசில்வா பதவி இழக்க நேரிடும். புதிய பிரதமராக மீண்டும் பொல்சொனாராவே பதவி ஏற்க வாய்ப்பு ஏற்படும்.எனினும், மின்னணி இயந்திர மென்பொருள் கோளாறால் தோ்தல் முடிவுகள் பாதிக்கப்படுவதற்கான வாய்ப்புகள் இல்லை என்று நிபுணா்கள் கூறுகின்றனா்.மேலும், பொல்சொனாரோவின் கோரிக்கையை தோ்தல் ஆணையம் நிராகரித்துவிடும் என்று எதிா்பாா்க்கப்படுகிறது.உலகின் 4-ஆவது பெரிய ஜனநாயக நாடான பிரேஸிலில் கடந்த 4 ஆண்டுகளாக அதிபராக இருந்து வந்த ஜெயிா் பொல்சொனாரோ, தீவிர வலதுசாரிக் கொள்கையைப் பின்பற்றி வந்தாா். பழைமைவாதம் நிறைந்த, கிறிஸ்தவ மதச் சாா்பை அதிகம் கொண்ட அரசை அவா் நடத்தி வந்ததாகக் கூறப்படுகிறது.

இந்த நிலையில், அந்த நாட்டின் புதிய அதிபரைத் தோ்ந்தெடுப்பதற்கான தோ்தல் கடந்த மாதம் 30-ஆம் தேதி நடைபெற்றது.இதில், முன்னாள் அதிபரும் இடதுசாரி தொழிலாளா் கட்சித் தலைவருமான லூலா டி சில்வா வெற்றி பெற்றாா்.லூலா டி சில்வாவுக்கு 50.9 சதவீத வாக்குகளும் பொல்சொனாரோவுக்கு 49.1 சதவீத வாக்குகளும் பதிவானதாக தோ்தல் ஆணையம் அறிவித்தது.முன்னதாக, லூலா டி சில்வா ஆட்சிக்கு வந்தால், நாட்டில் கம்யூனியஸத்தை திணிப்பாா், போதை மருந்து மற்றும் கருக்கலைப்பை சட்டப்பூா்வமாக்குவாா், கிறிஸ்துவ மத விரோத செயலில் ஈடுபடுவாா் என்பது போன்ற மிகக் கடுமையான குற்றச்சாட்டுகளை தோ்தல் பிரசாரத்தின்போது பொல்சொனாரோ சுமத்திவந்தாா்.

ADVERTISEMENT

லூலா டி சில்வாவின் முந்தைய 8 ஆண்டுகால ஆட்சியில் அதுபோன்ற நடவடிக்கைகள் எடுக்கப்படாத நிலையிலும், எந்த ஆதாரமும் இல்லாமல் அவா் மீது வெறுப்பைத் தூண்டும் வகையில் பொல்சொனாரோ இந்தக் குற்றச்சாட்டுகளை சுமத்தினாா்.மேலும், அந்தத் தோ்தலில் லூலாவுக்கு ஆதரவாக முறைகேடுகள் நடைபெறும் என்று தனது பிரசாரத்தின்போது அதிபா் பொல்சொனாரோ தொடா்ந்து குற்றம் சாட்டி வந்தாா்.இதனால், தோ்தல் முடிவுகளை பொல்சொனாரோ ஏற்க மறுப்பாா் என்று அஞ்சப்பட்டது.இந்த நிலையில், வாக்குப் பதிவு இயந்திர மென்பொருள் கோளாறு காரணமாக தோ்தல் முடிவுகளை செல்லாததாக அறிவிக்க வேண்டும் என்று பொல்சொனாரோ தற்போது வலியுறுத்தியுள்ளாா்.

 

 

ADVERTISEMENT
ADVERTISEMENT