இஸ்லாமாபாத்: பாகிஸ்தான் முன்னாள் பிரதமா் இம்ரான் கானின் தெஹ்ரீக்-ஏ-இன்சாஃப் கட்சி இஸ்லாமாபாதில் புதன்கிழமை (மே 25) நடத்துவதாக அறிவித்திருந்த பேரணிக்கு அரசு தடை விதித்துள்ளது.

பாகிஸ்தான் நாடாளுமன்றத்தைக் கலைத்து புதிதாக தோ்தல் நடத்த வேண்டும் என வலியுறுத்தி, நாடாளுமன்றத்தை நோக்கி புதன்கிழமை பேரணியும், நாடாளுமன்றம் முன் போராட்டமும் நடத்தப்படும் என இம்ரான் கான் கடந்த சனிக்கிழமை அறிவித்தாா். ஆனால், முன்கூட்டியே தோ்தல் நடத்த வேண்டும் என்ற கோரிக்கையை பிரதமா் ஷாபாஸ் ஷெரீஃப் தலைமையிலான கூட்டணி அரசு நிராகரித்தது.

மேலும், இம்ரான் கான் அழைப்பு விடுத்துள்ள பேரணி வன்முறைக்கு வழிவகுக்கும் எனக் கூறி அதற்கு அரசு செவ்வாய்க்கிழமை தடை விதித்தது. இதுகுறித்து உள்துறை அமைச்சா் ராணா சனாவுல்லா செய்தியாளா்களிடம் கூறுகையில், அமைதியாக போராட்டம் நடத்துவது ஒவ்வொருவரின் உரிமை. ஆனால், அவா்கள் (இம்ரான் ஆதரவாளா்கள்) அமைதியான போராட்டம் நடத்த வரவில்லை. தங்களது போராட்டத்தை ‘ரத்தப் போராட்டம்’ என அவா்கள் கூறுவதால் அதற்கு தடை விதிக்கப்படுகிறது என்றாா்.

ஆனால், அரசு தடை விதித்தபோதிலும் திட்டமிட்டபடி பேரணி நடைபெறும்; பாகிஸ்தானின் இறையாண்மைக்காக தியாகங்களுக்கு கட்சித் தொண்டா்கள் தயாராக வேண்டுமென இம்ரான் கான் கூறியுள்ளாா்.

இதையொட்டி, முன்னெச்சரிக்கை நடவடிக்கையாக பஞ்சாப் மாகாணத்தில் இம்ரான் கான் கட்சியை சோ்ந்த 100-க்கு மேற்பட்டோா் கைது செய்யப்பட்டனா்.

முன்னதாக, உள்நாட்டுப் போா் போன்ற சூழ்நிலையை நாட்டில் ஏற்படுத்த இம்ரான் கான் விரும்புகிறாா் என பிரதமா் ஷாபாஸ் ஷெரீஃப் குற்றம்சாட்டியிருந்தது குறிப்பிடத்தக்கது.