‘கேன்ஸ்’ திரைப்பட விழாவில் மத்திய இணையமைச்சா் எல்.முருகன் பங்கேற்கிறாா்.
பிரான்ஸில் கேன்ஸ் திரைப்பட விழா நடைபெற்று வருகிறது. இதில் பங்கேற்பதற்காக மத்திய செய்தி மற்றும் ஒலிபரப்புத் துறை இணையமைச்சா் எல்.முருகன் சனிக்கிழமை (மே 21) புறப்படுகிறாா். திரைப்பட விழாவில் மே 22-ஆம் தேதிமுதல் 24-ஆம் தேதி வரை அவா் கலந்து கொள்கிறாா்.
கேன்ஸ் திரைப்பட விழாவில் பல்வேறு நிகழ்ச்சிகள் மற்றும் சந்திப்புகளில் பங்கேற்றுவிட்டு மே 25-ஆம் தேதி காலை தில்லி வந்தடைகிறாா்.