ரஷியாவில் கரோனா பாதிப்பால் உயிரிழந்தவா்களின் தினசரி எண்ணிக்கை செவ்வாய்க்கிழமை மீண்டும் புதிய உச்சத்தைத் தொட்டுள்ளது. இதுகுறித்து அதிகாரிகள் கூறியதாவது:

கடந்த 24 மணி நேரத்தில் மட்டும் 1,106 போ் கரானாவுக்கு பலியாகினா். இது, நாட்டில் இதுவரை இல்லாத தினசரி கரோனா பலி எண்ணிக்கையாகும். இத்துடன், கரோனா பாதிப்பால் உயிரிழந்தவா்களின ஒட்டுமொத்த எண்ணிக்கை 2,32,775-ஆக உயா்ந்துள்ளது. இது ஐரோப்பாவின் அதிகபட்ச பலி எண்ணிக்கையாகும்.

இதுதவிர, 36,446 பேருக்கு புதிதாக கரோனா உறுதி செய்யப்பட்டுள்ளது. இதன் மூலம், நாட்டில் கரோனா பாதிப்புக்குள்ளானவா்களின் ஒட்டுமொத்த எண்ணிக்கை 83,16,019-ஆக உயா்ந்துள்ளது என்று அதிகாரிகள் தெரிவித்தனா்.

ரஷியாவில் கடந்த சில வாரங்களாகவே தினசரி கரோன பலி எண்ணிக்கை அடிக்கடி புதிய உச்சங்களை தொட்டு வரும் சூழலில், அங்கு நோய்த் தடுப்பு கட்டுப்பாடுகள் கடுமையாக்கப்பட்டுள்ளன.