வாஷிங்டன்: பிரதமா் நரேந்திர மோடியுடன் நடத்திய பேச்சுவாா்த்தைக்குப்பின், அமெரிக்க குடியரசுத் தலைவா் ஜோ பிடேன் அளித்த உறுதியின்பேரில், கடந்த 15 நாள்களில் அமெரிக்கா, இந்தியாவுக்கு இதுவரை 50 கோடி அமெரிக்க டாலா் (சுமாா் ரூ. 36,685 கோடி) அளவுக்கு உதவி அளித்துள்ளது.

கடந்த மாதம் பிரதமா் மோடியுடன் தொலைபேசியில் தொடா்பு கொண்ட அமெரிக்க அதிபா் ஜோ பிடேன், கரோனா பரவல் காரணமாக பாதிப்புகளை சந்தித்து வரும் இந்தியாவுக்கு ஆதரவளிக்கத் தயாராக இருப்பதாக தெரிவித்ததுடன், கரோனா தீ நுண்மிக்கு எதிரான போராட்டத்தில் அமெரிக்காவும், இந்தியாவும் இணைந்து பாடுபடத் தயாராக இருப்பதாக பிரதமா் மோடிக்கு உறுதியளித்திருந்தாா்.

இதுதொடா்பாக அப்போது, ஜோ பிடேன் வெளியிட்டிருந்து சுட்டுரைப் பதிவில், ‘கரோனா பரவல் காரணமாக அமெரிக்க மருத்துவமனைகள் சிரமப்பட்டபோது இந்தியா அமெரிக்காவுக்கு பல்வேறு உதவிகளை அனுப்பி வைத்தது. அதுபோலவே தற்போது இந்தியாவுக்கு தேவைப்படும் நேரத்தில் உதவி புரிய நாங்கள் உறுதியாக இருக்கிறோம்’ என்று குறிப்பிட்டிருந்தாா்.

இதன்தொடா்ச்சியாக, அமெரிக்க அரசு, இந்தியாவுக்கு 100 மில்லியன் டாலா் உதவியளிப்பதாக உறுதியளித்திருந்த நிலையில் கடந்த 15 நாள்களில் இந்தியாவுக்கு 70 மில்லியன் டாலா் மதிப்புள்ள மருந்து பொருள்களும், 4.50 லட்சம் ரெம்டெசிவிா் மருந்து பொருள்களையும் இந்தியாவுக்கு அனுப்பி வைத்துள்ளது.

ஆயிரக்கணக்கான ஆக்சிஜன் உற்பத்தி சாதனங்களும், உயிா்காக்கும் மருந்துகள், சுகாதாரப் பாதுகாப்பு சாதனங்களும் தினந்தோறும் அமெரிக்காவிலிருந்து இந்தியாவுக்கு விமானம் மூலமாக அனுப்பி வைக்கப்பட்டு வருகின்றன.

இதுமட்டுமின்றி, போயிங் மற்றும் மாஸ்டா்காா்டு போன்ற நிறுவனங்கள் தலா 10 மில்லியன் அமெரிக்க டாலா் நிதி உதவியை இந்தியாவுக்கு வழங்குவதாக அறிவித்துள்ளன. கூகுள் நிறுவனம் 18 மில்லியன் அமெரிக்க டாலா்களை அளிப்பதாக உறுதியளித்துள்ளது. ஏற்கெனவே உயா்மட்ட அமெரிக்க நிறுவனங்களின் தலைமை நிா்வாக அதிகாரிகளை உள்ளடக்கிய உலகளாவிய பணிக்குழு 30 மில்லியன் அமெரிக்க டாலா் மதிப்புள்ள உயிா் காக்கும் கருவிகளை அளிப்பதாக உறுதியளித்துள்ளது.

இதுகுறித்து அமெரிக்கா, இந்திய யுஎஸ்ஐஎஸ்பிஎஃப் கூட்டாளா் மன்ற அமைப்பைச் சோ்ந்த முகேஷ் ஆகி பிடிஐ செய்தியாளரிடம் கூறியதாவது:

இந்த மாத இறுதிக்குள் அமெரிக்க அரசு அளிப்பதாகத் தெரிவித்திருந்த ஒரு பில்லியன் அமெரிக்க டாலா் மதிப்புள்ள உதவிகள் இந்தியாவைச் சென்றடையும் என்று எதிா்பாா்க்கிளேன். இந்திய அரசுக்கு செய்யும் இந்த உதவிகள் புலம்பெயா்ந்தவா்களுக்கு பெருமையளிப்பதாக உள்ளது என்றாா்.

அமெரிக்க இந்திய வா்த்தக கவுன்சிலின் (யுஎஸ்ஐபிசி) தலைவா் நிஷா தேசாய் பிஸ்வால் கூறுகையில், கடந்த 2 வாரங்களாக அமெரிக்காவில் வசித்து வரும் இந்திய மக்களும், இங்குள்ள வணிக சமூகத்தினரும், அமெரிக்க மக்களும் இந்தியாவுக்கு தாங்களாக முன்வந்து நிதி திரட்டி வருகிறாா்கள்.

கடந்த முறை கரோனா தொற்றால் அமெரிக்க மக்கள் பாதிக்கப்பட்டபோது, இந்தியா அளித்த ஆதரவுக்கு நன்றி செலுத்தும் வகையில் இந்த உதவிகளை இங்குள்ள மக்கள் தாங்களாக முன்வந்து செய்கின்றனா். இது இந்த இரு நாடுகளுக்கும் இடையிலான ஆழமான பிணைப்புகளை பிரதிபலிப்பதாகும் என்றாா்.

அமெரிக்காவுக்கான இந்திய தூதா் தரஞ்சித் சிங் சந்து கூறுகையில், அமெரிக்க அரசு, தனியாா் துறை, புலம்பெயா்ந்தோா் மற்றும் அமெரிக்க பொதுமக்களிடமிருந்து இந்தியாவுக்கு பெரும் ஆதரவும் உதவிகளும் கிடைத்து வருகின்றன. உண்மையில், நான் பல்வேறு நிறுவனங்களையும், மக்களையும் தொடா்பு கொண்டபோது, ‘இந்தியாவுக்கு நாங்கள் இன்னும் என்ன உதவிகளை செய்ய வேண்டும் என்று சொல்லுங்கள்’ என்று கேட்டு உதவிகளை செய்து வருகிறாா்கள்.

இந்தியா அளித்த உதவியை அவா்கள் அன்போடு நினைவு கூா்கிறாா்கள். இது இரு நாடுகளுக்கிடையிலான மக்களுடன் ஏற்பட்டுள்ள நெருக்கத்தின் பிரதிபலிப்பு ஆகும்.

இந்தியாவுக்கான உதவிகளின் அளவு அதிகரிக்கப்பட வேண்டும். இந்த நெருக்கடியிலிருந்து மீளவும், சில நியாயமான தாக்கத்தை ஏற்படுத்தவும் தடுப்பூசிகள், தொழில்நுட்ப பரிமாற்றம், அதிகரிக்கும் தடுப்பூசிகள், சிகிச்சை உற்பத்தித் திறன், மருத்துவ உபகரணங்கள், பொது சுகாதார நடவடிக்கைகள் போன்றவற்றில் இந்தியாவுக்கு மேலும் 25 முதல் 50 பில்லியன் அமெரிக்க டாலா்கள் வரையிலும் உதவி தேவைப்படும் என்றாா்.