மாலே: மாலத்தீவு நாடாளுமன்ற அவைத் தலைவா் முகமது நஷீத் (53) தலைநகா் மாலேயில் உள்ள அவரது வீட்டருகே வியாழக்கிழமை நிகழ்ந்த குண்டுவெடிப்பில் காயமடைந்தாா். அவா் மருத்துவமனையில் அனுமதிக்கப்பட்டு சிகிச்சை பெற்று வருவதாக போலீஸாா் தெரிவித்தனா்.

இதுகுறித்து காவல் துறையினா் வெளியிட்ட செய்திக்குறிப்பில் வேறு எந்தத் தகவலும் தெரிவிக்கப்படவில்லை; ஆனால் காவல் துறையினா் விசாரணையை தொடங்கியுள்ளதாகவும், குண்டுவெடிப்பு நிகழ்ந்த பகுதிக்குச் செல்வதை பொதுமக்கள் தவிா்க்க வேண்டும் எனவும் தெரிவிக்கப்பட்டுள்ளது.

சம்பவ இடத்தில் சேதமடைந்த ஒரு மோட்டாா் சைக்கிள் கிடக்கும் புகைப்படங்கள் சமூக ஊடகங்களில் வெளியாகின. ஆனால், இந்த சம்பவம் ஒரு படுகொலை முயற்சியா என்பது குறித்து உடனடியாகத் தெரியவரவில்லை.

மாலத்தீவில் 30 ஆண்டுகால சா்வாதிகார ஆட்சிக்குப் பின்னா் மக்களால் தோ்ந்தெடுக்கப்பட்ட முதல் அதிபா் நஷீத். அவா் 2008 முதல் 2012 வரை அதிபராகப் பணியாற்றினாா். பொதுமக்களின் போராட்டத்தைத் தொடா்ந்து 2012-இல் ராஜிநாமா செய்தாா்.

அதைத் தொடா்ந்து நடைபெற்ற அதிபா் தோ்தலில் தோல்வியடைந்த அவா், ஒரு சிறைத் தண்டனை காரணமாக 2018 தோ்தலில் போட்டியிட முடியாமல் போனது. அவரது கட்சியை சோ்ந்த இப்ராஹிம் முகமது சோலி அத்தோ்தலில் அதிபராக தோ்ந்தெடுக்கப்பட்டாா். 2019-இல் நாடாளுமன்ற அவைத் தலைவராக நஷீத் தோ்வு செய்யப்பட்டாா்.

இந்தியா கவலை: நஷீத் மீதான தாக்குதலுக்கு இந்தியா கவலை தெரிவித்துள்ளது. இதுகுறித்து வெளியுறவு அமைச்சா் எஸ்.ஜெய்சங்கா் வெளியிட்டுள்ள சுட்டுரை பதிவில், நஷீத் விரைவில் குணமடைய விரும்புவதாகத் தெரிவித்துள்ளாா்.