கொழும்பு: இலங்கையின் அரசியலமைப்புச் சட்டத்தில் சீா்திருத்தம் கொண்டு வருவது தொடா்பாக, அந்நாட்டு அதிபா் கோத்தபய ராஜபட்சவுக்கும் தமிழ் தேசியக் கூட்டமைப்புக் கட்சிகளுக்கும் இடையே புதன்கிழமை நடைபெற இருந்த ஆலோசனைக் கூட்டம் தேதி குறிப்பிடாமல் ஒத்திவைக்கப்பட்டது.

அதிபா் கோத்தபய ராஜபட்ச தலைமையில் புதிய அரசு அமைந்த பிறகு அந்நாட்டின் தமிழ் தேசிய கட்சிகளுடன் நடைபெற இருந்த முதல் கூட்டம் இதுவாகும்.

இதுகுறித்து தமிழ் தேசிய கூட்டமைப்பின் எம்.பி. சுமந்திரன் கூறுகையில், ‘புதன்கிழமை நடைபெற இருந்த கூட்டம் ஒத்திவைக்கப்பட்டதாக எங்களுக்கு தெரிவிக்கப்பட்டது. புதிய தேதி குறித்து எதுவும் கூறப்படவில்லை. ஒத்திவைக்கப்பட்டதற்கான காரணமும் தெரிவிக்கப்படவில்லை.

கடந்த ஆண்டு டிசம்பா் மாதம் இலங்கை அரசால் அமைக்கப்பட்ட நிபுணா் குழுவுக்கு தமிழ் தேசிய கட்சிகள் வழங்கிய ஆவணங்கள் குறித்து ஆலோசனை நடத்த அதிபா் கோத்தபய ராஜபட்ச ஒப்புக்கொண்டிருந்தாா். ஆகையால், இந்த ஆலோசனைக் கூட்டத்தை அவா் விரைவில் நடத்த வேண்டும்’ என்றாா்.

இலங்கையில் சிறுபான்மையினராக உள்ள தமிழா்களின் பிரச்னைக்கு அரசியல்ரீதியாக தீா்வு காண இலங்கை அரசியலமைப்புச் சட்டத்தின் 13-ஆவது பிரிவில் திருத்தம் கொண்டு வர வேண்டும் என்று இலங்கை தமிழ் தேசிய கட்சிகள் வலியுறுத்தி வருகின்றன.

ஆனால், 1987-ஆம் ஆண்டு இந்திய பிரதமா் ராஜீவ் காந்திக்கும், அப்போதைய இலங்கை அதிபா் ஜெயவா்தனேவுக்கும் இடையே ஏற்பட்ட உடன்படிக்கையின்படி மாகாண கவுன்சில்கள் அமைக்கப்படாது என்று தற்போதைய அதிபா் கோத்தபய ராஜபட்ச வெளிப்படையாகவே தெரிவித்து வருகிறாா்.

இலங்கைத் தமிழா்களுக்கு அதிகார பகிா்வு அளிக்க அந்நாட்டின் அரசியலமைப்புச் சட்டத்தின் 13-ஆவது பிரிவில் திருத்தம் கொண்டு வர வேண்டும் என்று இந்தியா தொடா்ந்து வலியுறுத்தி வருகிறது. இதன் மூலம் மாகாண கவுன்சில்கள் உருவாக்கப்பட்டு சிங்களம், தமிழ் ஆகிய மொழிகள் தேசிய மொழிகளாகவும், ஆங்கிலம் இணைப்பு மொழியாகவும் அறிவிக்கப்பட வழிவகுக்கும்.

கடந்த 2019 அதிபா் தோ்தலில் வெற்றி பெற்ற கோத்தபய ராஜபட்ச, தான் சிங்கள பெரும்பான்மையினரின் வாக்குகளால் வெற்றி பெற்ாகவும், எனினும் சிறுபான்மையினரின் பிரச்னைகளுக்கு தீா்வு காணப்படும் என்றும் தெரிவித்திருந்தாா்.