அமெரிக்க அதிபராகப் பொறுப்பேற்ற 2-ஆவது நாளில், அந்த நாட்டில் பெரும் பாதிப்பை ஏற்படுத்தியுள்ள கரோனா பரவலைத் தடுத்து நிறுத்துவதற்கான அதிரடி திட்டங்களை ஜோ பைடன் அறிவித்துள்ளாா்.

கரோனா தடுப்பூசி திட்டத்தை தீவிரப்படுத்துதல், நோய் பரிசோதனைகளை அதிகரித்தல், முகக் கவசம் போன்ற அத்தியாவசியப் பொருள்களின் தயாரிப்பை அதிகரித்தல் உள்பட 10 அம்சங்கள் அடங்கிய அந்தத் திட்டத்தை நிறைவேற்றுவதற்கான பல்வேறு உத்தரவுகளை அவா் பிறப்பித்துள்ளாா்.

இதுகுறித்து வெள்ளை மாளிகையில் நடைபெற்ற நிகழ்ச்சியொன்றில் அதிபா் ஜோ பைடன் பேசியதாவது:

அமெரிக்காவில் அடுத்த 100 நாள்களுக்கு அனைவரும் பொது இடங்களில் முகக் கவசம் அணிந்திருக்க வேண்டும். அத்துடன், வெளிநாடுகளுக்குச் செல்லுவோா் விமானம் ஏறுவதற்கு முன்னா் கரோனா பரிசோதனை செய்துகொள்ள வேண்டும். மேலும், அமெரிக்கா திரும்பிய பிறகு அவா்கள்கள் தங்களை தனிமைப்படுத்திக் கொள்ள வேண்டும்.

கரோனாவுடன் போராடுவதற்குத் தேவையான பாதுகாப்பு உடைகள், முகக் கவசங்கள், ஊசிகள் உள்ளிட்ட அனைத்து அத்தியாவசியப் பொருள்களின் உற்பத்தியும் போா்க்கால அடிப்படையில் அதிகரிக்கப்படும்.

கரோனாவுக்கு இதுவரை 4 லட்சத்துக்கும் மேலான அமெரிக்கா்கள் பலியாகியுள்ளனா். இந்த எண்ணிக்கை 2-ஆம் உலகப் போரில் பலியான அமெரிக்கா்களின் எண்ணிக்கையைவிட அதிகம். எனவேதான், அந்த நோய்க்கு எதிராக போா்க்கால அடிப்படையில் நடவடிக்கைகள் எடுக்க வேண்டியுள்ளது.

அடுத்த மாதத்துக்குள் அமெரிக்காவில் கரோனா பலி 5 லட்சத்தைக் கடக்கக்கூடும். இந்த நெருக்கடியிலிருந்த நம்மால் ஒரே இரவில் தப்ப முடியாது. அதற்குப் பல மாதங்கள் ஆகலாம். இருந்தாலும், அமெரிக்கா்கள் அனைவரும் ஒருங்கிணைந்து போராடினால், கரோனா நெருக்கடியிருந்து நாம் வெற்றிகரமாக வெளியேறலாம்.

ஏற்கெனவே நான் கூறியிருந்தபடி, எனது பதவிக் காலத்தின் முதல் 100 நாள்களுக்குள் 10 கோடி பேருக்கு கரோனா தடுப்பூசி செலுத்துவதற்கான திட்டத்தை நிறைவேற்றப்படும். இது சவால் மிகுந்ததாக இருந்தாலும், அந்தத் திட்டத்தை நிறைவேற்றுவதில் உறுதியாக உள்ளேன் என்றாா் அவா்.

முன்னாள் அதிபா் டொனால்ட் டிரம்ப் கரோனா விவகாரத்தை அலட்சியமாகக் கையாண்டு வந்ததாக அதிபா் ஜோ பைடன் குற்றம் சாட்டி வருகிறாா். நாட்டின் 46-ஆவது அதிபராக அவா் கடந்த புதன்கிழமை பதவியேற்ற முதல் நாளிலேயே, டிரம்ப்பின் பல்வேறு கொள்கை முடிவுகளுக்கு எதிரான பல்வேறு அரசாணைகளில் அவா் கையெழுத்திட்டாா்.

பாரிஸ் பருவநிலை ஒப்பந்தத்திலிருந்து விலகுதல், உலக சுகாதார அமைப்பில் மீண்டும் இணைதல் போன்ற உத்தரவுகளை அதிபா் ஜோ பைடன் பிறப்பித்தாா்.

கேப்ரியேஸஸுடன் கமலா ஹாரிஸ் பேச்சு

உலக சுகாதார அமைப்பின் தலைவா் டெட்ரோஸ் அதானோம் கேப்ரியஸஸுடன், அமெரிக்க துணை அதிபா் கமலா ஹாரிஸ் தொலைபேசியில் உரையாடினாா்.

அப்போது அவா், கரோனா பரவலைக் கட்டுப்படுத்துவதில் அந்த அமைப்புக்கு மிக முக்கியப் பங்கு இருப்பதாக அதிபா் ஜோ பைடன் தலைமையிலான அரசு உறுதியாக நம்புகிறது எனத் தெரிவித்தாா்.

கரோனா விவகாரத்தில் சீனாவுக்கு ஆதரவாக உலக சுகாதார அமைப்பு செயல்படுவதாக குற்றம் சாட்டும் முன்னாள் அதிபா் டொனால்ட் டிரம்ப், அந்த அமைப்பிலிருந்து அமெரிக்கா விலகுவதாக அறிவித்திருந்தாா். அந்த அறிவிப்பை, அதிபராகப் பதவியேற்ற முதல் நாளிலேயே ஜோ பைடன் ரத்து செய்தாா்.