ரஷியாவில் கடந்த 24 மணி நேரத்தில் புதிதாக 27,100 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளது.
இதைத் தொடர்ந்து, அங்கு மொத்தம் பாதித்தோர் எண்ணிக்கை 22,42,633 ஆக உயர்ந்துள்ளது. புதிதாக பாதிப்புக்குள்ளானவர்களில் 5,724 பேருக்கு (21.1 சதவிகிதம்) எவ்வித அறிகுறியும் தென்படவில்லை.
மேலும் 510 பேர் நோய்த் தொற்றால் பலியானதையடுத்து, மொத்த பலி எண்ணிக்கை 39,068 ஆக உயர்ந்துள்ளது. மேலும் 27,296 பேர் நோய்த் தொற்றிலிருந்து குணமடைந்து வீடு திரும்பியுள்ளனர். இதுவரை மொத்தம் 17,39,470 பேர் குணமடைந்துள்ளனர்.
உலகளவில் அதிகம் பாதிப்பு எண்ணிக்கைகளைக் கொண்டுள்ள நாடுகளில் அமெரிக்கா, இந்தியா, பிரேசிலுக்கு அடுத்தபடியாக ரஷியா 4-வது இடத்தில் உள்ளது.