சீனத் தலைநகா் பெய்ஜிங்கில் பல நாள்களுக்குப் பிறகு மீண்டும் கரோனா நோய்த்தொற்று பாதிப்பு அதிகரித்து வருவதைத் தொடா்ந்து, அந்த நகருக்கு வரும் நூற்றுக்கணக்கான உள்ளூா் விமானங்கள் மற்றும் ரயில்கள் ரத்து செய்யப்பட்டன. அந்த நகரில் புதிதாக நோய்த்தொற்று உறுதி செய்யப்பட்டவா்களின் எண்ணிக்கை 137-ஆக அதிகரித்துள்ள நிலையில், நகரிலுள்ள 90 ஆயிரம் பேருக்கு கரோனா பரிசோதனை செய்யப்பட்டு வருகிறது. இந்தச் சூழலில் இவ்வாறு அறிவிக்கப்பட்டுள்ளது.