உலகம்

ரஷியாவில் கரோனா பாதிப்பு 5 லட்சத்தைக் கடந்தது! ஒரேநாளில் 8,779 பேருக்கு தொற்று உறுதி

11th Jun 2020 06:00 PM

ADVERTISEMENT

 

ரஷியாவில் கடந்த 24 மணி நேரத்தில் 8,779 பேருக்கு கரோனா வைரஸ் தொற்று உறுதியானதை அடுத்து மொத்த பாதிப்பு 5,02,436 ஆக அதிகரித்துள்ளது. 

உலக அளவில் கரோனா அதிகம் பாதிக்கப்பட்ட நாடுகளில் அமெரிக்கா மற்றும் பிரேசிலைத் தொடர்ந்து, ரஷியா 3 ஆம் இடத்தில் உள்ளது. இங்கு நாள் ஒன்றுக்கு சராசரியாக 10 ஆயிரம் பேர் வரையில் வைரஸ் தொற்றால் பாதிக்கப்பட்டு வருகின்றனர். 

இந்நிலையில், ரஷியாவில் கடந்த 24 மணி நேரத்தில் 8,779 பேருக்கு தொற்று இருப்பது கண்டறியப்பட்டுள்ளது. இதனால் அந்நாட்டில் மொத்த பாதிப்பு 5,02,436 ஆக அதிகரித்துள்ளது. 

ADVERTISEMENT

மேலும் கடந்த 24 மணி நேரத்தில் 174 பேர் பலியாகியுள்ளனர். இதனால் ரஷியாவில் இதுவரை கரோனாவுக்கு 6,532 பேர் உயிரிழந்துள்ளனர். அதே நேரத்தில் 2,61,150 பேர் முழுமையாக சிகிச்சை பெற்று குணமடைந்துள்ளனர்.

Tags : coronavirus கரோனா வைரஸ் corona update Russia ரஷியா
ADVERTISEMENT

MORE FROM THE SECTION

ADVERTISEMENT