செவ்வாய்க்கிழமை 16 ஜூலை 2019

ரஷிய விமானத்தில் தீ: 13 பேர் பலி

DIN | Published: 06th May 2019 02:27 AM

ரஷிய தலைநகர் மாஸ்கோ விமான நிலையத்தில் அவசரமாக தரையிறங்கிய பயணிகள் விமானத்தில் நேரிட்ட தீ விபத்தில் 13 பேர் பலியாகினர்.
 ரஷியத் தயாரிப்பு சூப்பர் ஜெட்-100 ரகத்தை சேர்ந்த அந்த பயணிகள் விமானம், மாஸ்கோவில் உள்ள செரிமேடியேவோ விமான நிலையத்தில் இருந்து புறப்பட்ட சிறிது நேரத்தில் அபாய சிக்னலை வெளியிட்டது. பின்னர் அதே விமான நிலையத்தில் அவசரமாக தரையிறக்கப்பட்டது.
 முதலில் அந்த விமானத்தை தரையிறக்க நடைபெற்ற முயற்சி வெற்றி பெறவில்லை. இதையடுத்து 2ஆவது முறையாக விமானத்தை மீண்டும் தரையிறக்க முயற்சி மேற்கொள்ளப்பட்டது. அப்போது முன்பகுதி தரையில் உரசியபடி விமானம் தரையிறங்கியது. இதில் விமானம் தீப்பிடித்து எரியத் தொடங்கியது.
 இதனையடுத்து, விமானத்தில் இருந்த பயணிகள் அவசரபாதை வழியாக உடனடியாக வெளியேற்றப்பட்டனர். இந்த விபத்தில் 13 பயணிகள் பலியாகினர். அவர்களில் 2 பேர் சிறார்கள் என்று மாஸ்கோவில் இருந்து வரும் தகவல்கள் தெரிவிக்கின்றன.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

இந்தோனேசியாவில் நிலநடுக்கம்: ரிக்டர் அளவில் 5.7 ஆக பதிவு
ஆக்கிரமிப்பு காஷ்மீரில் திடீர் மழை வெள்ளம்: 23 பேர் பலி
பாகிஸ்தான்: ஹபீஸ் சயீதுக்கு  இடைக்கால ஜாமீன்
27 ஆண்டுகள் காணாத பின்னடைவு...சீனாவின் பொருளாதார வளர்ச்சி 6.2 சதவீதமாக சரிவு
வெள்ள பாதிப்பு பகுதிகளில் சுகாதாரப் பணிகள்: சர்வதேச அமைப்புகளிடம் உதவி கோரியது நேபாளம்