திங்கள்கிழமை 20 மே 2019

இலங்கை: 200 இஸ்லாமிய போதகர்கள் உள்பட 600 வெளிநாட்டினர் வெளியேற்றம்

DIN | Published: 06th May 2019 01:57 AM

இலங்கையில் கடந்த மாதம் நடத்தப்பட்ட ஈஸ்டர் தின குண்டுவெடிப்பின் எதிரொலியாக, அங்கு சட்டவிரோதமாகத் தங்கியிருந்த 200 இஸ்லாமிய போதகர்கள் உள்பட சுமார் 600 வெளிநாட்டினர், நாட்டை விட்டு வெளியேற்றப்பட்டனர்.
 இதுகுறித்து உள்துறை அமைச்சர் வஜிர அபய்வர்தனா ஞாயிற்றுக்கிழமை கூறியதாவது: ஈஸ்டர் தின பயங்கரவாதத் தாக்குதலைத் தொடர்ந்து மேற்கொள்ளப்படும் பாதுகாப்பு நடவடிக்கைகளின் ஒரு பகுதியாக, நுழைவு இசைவு (விசா) காலம் முடிந்தும் இலங்கையில் தங்கியுள்ள சுமார் 600 வெளிநாட்டினர், நாட்டை விட்டு வெளியேற்றப்பட்டனர். அவர்களில் 200 பேர் இஸ்லாம் மத போதகர்கள் ஆவர்.
 நாட்டின் தற்போதைய நிலவரத்தைக் கருத்தில் கொண்டு, மத போதகர்களுக்கு விசா வழங்குவதற்கான நடைமுறையை கடுமையாக்குவதற்கு முடிவு செய்துள்ளோம் என்றார் அவர்.
 இலங்கையில், கடந்த மாதம் 21-ஆம் தேதி ஈஸ்டர் தினத்தன்று 3 தேவாலயங்களிலும், 3 நட்சத்திர விடுதிகளிலும் சக்தி வாய்ந்த குண்டுவெடிப்புத் தாக்குதல்கள் அடுத்தடுத்து நடத்தப்பட்டன.
 இதில், 250-க்கும் மேற்பட்டோர் உயிரிழந்தனர்; சுமார் 500 பேர் காயமடைந்தனர். இலங்கையில் செயல்படும் தேசிய தவ்ஹீத் ஜமாத் நடத்திய இந்தத் தாக்குதலுக்கு இஸ்லாமிய தேச (ஐ.எஸ்.) பயங்கரவாத அமைப்பு பொறுப்பேற்றது.
 இந்தச் சூழலில், நாட்டில் பாதுகாப்பை அதிகரிப்பதற்காக இலங்கை அரசு பல்வேறு நடவடிக்கைகளை எடுத்து வரும் நிலையில், விசா காலம் முடிந்தும் நாட்டில் தங்கியிருந்த 200 மத போதகர்களை அந்த நாடு வெளியேற்றியுள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

1,20,000 ஆண்டுகளுக்கு முன்பே மனிதர்கள் இதையெல்லாம் சமைத்து சாப்பிட்டுள்ளார்களாம்!
1000 டாட்டூக்களுடன் ஒரு அப்பா! ‘நான் வித்யாசமானவன் என்பதே எனக்குப் பெருமை’: மார்சலோ டிசோஸா!
தஜிகிஸ்தான் நாட்டில் சிறையில் பயங்கர கலவரம்: 32 பேர் பலி 
கருத்துக்கணிப்பு முடிவுகள்: பிரதமர் மோடிக்கு மாலத்தீவு முன்னாள் அதிபர் வாழ்த்து
போருக்கு தயார் என்றால் அதுவே ஈரானின் முடிவாக அமையும்: டிரம்ப் எச்சரிக்கை