சனிக்கிழமை 23 பிப்ரவரி 2019

கென்ய ஹோட்டலில் பயங்கரவாதத் தாக்குதல்: 14 பேர் பலி

DIN | Published: 17th January 2019 12:50 AM
நைரோபி ஹோட்டலில் தாக்குதலுக்குள்ளான வளாகத்திலிருந்தவர்களை பத்திரமாக வெளியேற்றும் பாதுகாப்புப் படையினர். 


கென்யா தலைநகர் நைரோபியிலுள்ள நட்சத்திர ஹோட்டல் வளாகத்தில் பயங்கரவாதிகள் நடத்திய தாக்குதலில் 14 பேர் உயிரிழந்தனர்.
அந்தப் பகுதியை சுற்றிவளைத்து பாதுகாப்புப் படையினர் மேற்கொண்ட தாக்குதல் நடவடிக்கையில், பயங்கரவாதிகள் அனைவரும் கொல்லப்பட்டனர்.
இதுகுறித்து தகவல்கள் தெரிவிப்பதாவது: நைரோபியுள்ள டுஸிட்-டி2 என்ற நட்சத்திர ஹோட்டல் வளாகத்தில் 101 அறைகள் கொண்ட ஹோட்டல், வெந்நீர் குளியல் சேவையளிக்கும் ஸ்பா மையம், உணவகம் மற்றும் அலுவலகக் கட்டடங்கள் அமைந்துள்ளன. இந்த வளாகத்துக்கு செவ்வாய்க்கிழமை வந்த பயங்கரவாதிகள், அங்கிருந்த பாதுகாவலர்கள் மீது தாக்குதல் நடத்தி வளாகத்துக்குள் நுழைந்தனர்.
அவர்களில் ஒரு பயங்கரவாதி, தனது உடலில் மறைத்து வைத்திருந்த வெடிகுண்டை வெடிக்கச் செய்து தாக்குதல் நடத்தினார்.
மேலும், அங்கிருந்தவர்கள் மீது பயங்கரவாதிகள் சரமாரியாக துப்பாக்கியால் சுட்டனர்.
அதையடுத்து, அந்தப் பகுதியை சுற்றிவளைத்த பாதுகாப்புப் படையினர் பயங்கரவாதிகளுக்கு எதிரான தாக்குதல் நடவடிக்கையை மேற்கொண்டனர்.
சுமார் 20 மணி நேரத்துக்கு நீடித்த இந்த நடவடிக்கையில், தாக்குதல் நடத்திய பயங்கரவாதிகள் அனைவரும் கொல்லப்பட்டதாக கென்ய அதிபர் உஹுரு கென்யாட்டா தெரிவித்தார். 
இந்தத் தாக்குதலில் 4 முதல் 6 பயங்கரவாதிகள் ஈடுபட்டிருக்கலாம் என்று கருதப்படுகிறது.
இந்தத் தாக்குதலுக்கு அல்-காய்தாவுடன் தொடர்புடைய அல்-ஷபாப் பயங்கரவாத அமைப்பு பொறுப்பேற்றுள்ளது. அல்-அபாப் பயங்கரவாத அமைப்பு சோமாலியாவில் உருவாக்கப்பட்டு செயல்பட்டு வருகிறது.
எனினும், அந்த நாட்டில் அல்-அபாபுக்கு எதிரான நடவடிக்கைகளில் கென்ய ராணுவம் பங்கேற்று வருவதால், கென்யாவிலும் அந்த அமைப்பு பயங்கரவாதத் தாக்குதல்களில் ஈடுபட்டு வருகிறது.

 

More from the section

'நாட்டை முன்னேற்றுங்கள் பயங்கரவாதத்தை அல்ல'- அமெரிக்காவிலுள்ள பாகிஸ்தான் தூதரகம் முன்பு இந்தியர்கள் ஆர்ப்பாட்டம்
இந்தியா, பாகிஸ்தான் இடையே மோசமான சூழல் நிலவுகிறது: டொனால்டு டிரம்ப்
பாக். அரசுக் கட்டுப்பாட்டில் ஜெய்ஷ்-ஏ-முகமது தலைமையகம்
ஐ.நா. கண்டன அறிக்கையை தாமதப்படுத்திய சீனா
இந்தியா உபரி நதிநீரை நிறுத்துவதால் கவலை இல்லை: பாகிஸ்தான்