மான் பாலூட்டி வகையைச் சேர்ந்த சாதுவான வன விலங்கு. இலைதழைகளை உண்டு, அசைபோடும் விலங்குகள் வகையைச் சேர்ந்தவை. ஆஸ்திரேலியா அண்டார்டிக்கா ஆகிய கண்டங்களைத் தவிர, உலகில் மற்ற எல்லா இடங்களிலும் வாழ்கின்றன.
புள்ளிமான், சருகுமான், சம்பார் மான், கவுரிமான் உள்பட பல வகைகள் உள்ளன.
ஆண் மான்கள் அழகான கொம்புகளைக் கொண்டிருக்கும். பெண் மானுக்கு சிறிய கொம்புகளோ அல்லது அவை இல்லாமலோ இருக்கும். மானின் கொம்புகள், ஆண்டுதோறும் விழுந்து புதிதாக முளைக்கும். முதல் ஆண்டில் கிளை இல்லாமல் இருக்கும். பிறகு ஆண்டுதோறும் விழுந்து புதிய கிளைகளுடன் முளைக்கும். மானின் வயது அதிகமாகும்போது கிளைகளும் அதிகமாகும். கொம்பு விழுந்த மான் புதுக்கொம்புகள் முளைக்கும் வரை பிற விலங்குகளின் பார்வையில் படாமல் வனப் பகுதியில் மறைந்தே வாழும்.