தங்கக் காசு போலவே
தகதகன்னு வானிலே
மஞ்சள் நிலவு தெரியுது
மனதில் இன்பம் பெருகுது!

கொஞ்சம் கொஞ்சமாகவே 
கூனல் நிலவு வளருது
எங்கும் ஒளியைச் சிந்தியே
இன்பம் தந்து ஒளிருது!

பஞ்சு மேகப் போர்வையுள் 
படுத்துக் கொஞ்சம் தூங்குது
பூவும் மொóடடும் விரிந்திட 
பொலிவு காட்டிச் சிரிக்குது!

அழகு நிலவு போலவே 
அகிலம் தன்னில் நாமுமே 
சிரித்த வண்ணம் வாழுவோம்
சிறப்பு பெற்று வாழுவோம்!