இப்போது பல் தொடர்பான நோய்களும் அதிகரித்து வருகின்றன. பற்களைப் பாதுகாத்தால் நோய்களை வராது செய்யலாம்.

உடல் சுகாதாரத்தைப் பேணி காப்பதே போல, வாய் சுகாதாரத்தையும் பராமரிக்க வேண்டும்.  நாள்தோறும் இரு முறை நன்றாக பல் துலக்க வேண்டும். உணவு அருந்திய பின்னர், வாய் கொப்புளித்தலும் சிறந்தது.

பல்களை துலக்கினாலும் போதாது; ஈறுகளையும் நன்றாக சுத்தம் செய்ய வேண்டும். உணவில் மீதமாகி தேங்கும் சிறு துகள்களே பாக்டீரியாக்களை உருவாக்கி நோய் உண்டாக்கும் அமிலத்தை உண்டாக்குகின்றன.

கார்போ ஹைட்ரேட் நிறைந்த உணவுகளால் உண்டாகும் பாக்டீரியாவே பல் சொத்தைகளை உருவாக்குகின்றன.

முன் பற்களைச் சுத்தம் செய்யும் அளவுக்கு பின்பற்களையும் சுத்தம் செய்ய வேண்டும்.

டீ, காபி,  குளிர்பானங்கள்,  இனிப்புகளை குறைவான அளவே எடுத்துகொள்ள வேண்டும். ஆரோக்கியமான உணவுகளை சாப்பிடுவது நல்லது.

மன அழுத்தம், கவலை, பயம் போன்றவற்றைத் தவிர்த்தல் வேண்டும்.

ஊட்டச்சத்து குறைபாடும் பல் வலி, சொத்தை போன்றவற்றுக்குக் காரணம். உமிழ்நீர் சுரப்பு குறைவும் பல் நோய்க்குக் காரணமாக அமைகிறது.

பல் சொத்தை ஏற்பட்டால் ஆரம்பத்திலேயே சிகிச்சை மேற்கொள்வது அவசியம். இல்லையெனில்,  ஆழமாகிவிட்டால் வேர் சிகிச்சை செய்யும் நிலை ஏற்படும். பல் சொத்தையை கவனிக்காமல் விட்டால் வேர் வரை சென்று, சீழ் பிடிக்க ஆரம்பித்து பெரிதாகிவிடும். உடனுக்குடன் பல் சிகிச்சையை மேற்கொள்வது அவசியம்.

அடிக்கடி பல் பிரச்னைகளைக் கொண்டுள்ளவர்கள் பாக்டீரியாவைத் தடுக்கும் மவுத் வாஷ் உபயோகிப்பது நல்லது. ஆண்டுக்கு இரு முறை பல் மருத்துவரை சந்தித்து ஆலோசிப்பது நல்லது.