விபத்தொன்றில் வலது காலை இழந்து, செயற்கை காலுடன் நாட்டியமாடி சாதனை படைத்த சுதா சந்திரனின் வாழ்க்கை அவரே நடித்து "மயூரி' என்ற பெயரில் திரைப்படமாக வெளியானதோடு, அவரது வாழ்க்கை குஜராத், மகாராஷ்ட்ரா, தமிழகம், மேற்கு வங்காளம் ஆகிய மாநிலங்களில் பள்ளி பாடப் புத்தகத்திலும் பாடமாக இடம் பெற்றது. பின்னர் பல மொழிகளில் நடித்து வருவதோடு டிவி சீரியல்களிலும் நடித்து வருகிறார். அண்மையில் "யே வைர மொகபதீன்' என்ற படத்தில் நெகடிவ் ரோலில் நடித்துள்ளார். "ஒரே மாதிரியான வேடங்களில் நடித்து வந்த எனக்கு இந்த மாறுதலான பாத்திரம் பிடித்துள்ளது. இது ரசிகர்களுக்கு பிடிக்கிறதா, இல்லையா என்பது தெரியாது. தொடர்ந்தாற்போல் இதே போன்ற பாத்திரம் கிடைத்தாலும் ஆச்சரியபடுவதற்கில்லை'' என்கிறார் சுதா சந்திரன்.