22 செப்டம்பர் 2019

டிப்ஸ்... டிப்ஸ்...

DIN | Published: 22nd May 2019 11:13 AM

பூண்டு ஈஸியா உரிக்க சில டிப்ஸ்!
 ✦ ஒரு ஜாரில் பூண்டைப் போட்டு வேகமாக குலுக்கினால் தோல் தனியாக வந்துவிடும்.
 ✦ மைக்ரோவேவ்வில் 20-30 விநாடிகள் வைத்தால் தோல் தனியாக வந்துவிடும்.
 ✦ பூண்டு மீது கத்தியை வைத்து உள்ளங்கையால் நசுக்கினால் தோல் தனியாக வந்துவிடும்.
 ✦ மைக்ரோ வேவ் இல்லை என்றால் பூண்டை வாணலியில் இட்டு லேசாக வறுக்கவும். தோல் தனியாக வந்து விடும்.
 ✦ பூண்டை தண்ணீரில் ஒரு மணி நேரம் ஊற வைக்கவும். ஒவ்வொன்றாக எடுத்து தரையில் வைத்து நசுக்கினால் தோல் தனியாக வந்துவிடும்.
 வீட்டை சுத்தமாக பராமரிக்க சில எளிய வழிகள்!
 ✦ லிக்விடு க்ளன்சர் அல்லது பினாயில் எடுத்து சிறிது தண்ணீரில் கலந்து, வாஷ் பேஷனில் ஊற்றி சில நிமிடங்கள் அப்படியே விட்டு விடவும். பிறகு நன்றாக பிரஷ் கொண்டு தேய்த்துக் கழுவ வேண்டும். இதை வாரத்துக்கு இரண்டு முறை செய்து வர, உங்கள் வாஷ் பேஷன் பளபளக்கும்.
 ✦ கொஞ்சம் வினிகர் அதனுடன் பேக்கிங் சோடா மற்றும் தண்ணீர் சேர்த்து கலந்து கொள்ளவும். இதை உங்கள் பாத்ரூம் டைல்ஸ்களில் தெளித்து சில நிமிடங்கள் அப்படியே வைத்து இருக்க வேண்டும். பிறகு ஒரு துணியை கொண்டு துடைத்து எடுக்கவும். வினிகர் உங்களுக்கு அழுக்கை நீக்குவதோடு பேக்கிங் சோடா கெட்ட துர்நாற்றத்தை நீக்குகிறது. இதில் எந்த கெமிக்கல்களும் இல்லை. இருந்தாலும், பயன்படுத்துவதற்கு முன் கையுறை அணிந்து கொள்ள வேண்டும்.
 ✦ சமையல் செய்யும்போது கவனக் குறைவால் , செய்யும் சமையல் கருகிப்போய் கெட்ட வாடை வந்தால், ஒரு கிண்ணம் தண்ணீரில் 3 வட்டமாக நறுக்கிய எலுமிச்சை துண்டுகளையும் அதோடு சில கிராம்புகளையும் போட்டு நன்கு கொதிக்க வையுங்கள். அது கொதிக்க கொதிக்க அறையைச் சுற்றி வந்த சமையல் கருகிப் போன வாசனை காணாமல் போய்விடும்.
 ✦ கடல் உணவுகள் போன்ற அசைவம் சமைக்கும்போது ஏற்படும் வாசனையை போக்க ஈஸியான பொருள் பட்டை. தண்ணீரை நன்கு கொதிக்க வைத்து அதில் பட்டையை பொடித்துப் போட்டு கொதிக்க விடுங்கள். வாசனை ஓடிவிடும்.
 ✦ உப்பு வீட்டில் வருகிற துர்நாற்றங்களை போக்கும் அதிக ஆற்றல் கொண்டது. வீட்டில் எந்த இடத்தை சுத்தப்படுத்த வேண்டுமோ, குறிப்பாக, பிசுபிசுவென்று இருக்கிற இடமாக இருந்தால் அந்த இடத்தில் 2 தேக்கரண்டி உப்பைக் கொட்டி, பின் குளிர்ந்த நீர் தெளித்து, நன்கு தேய்த்து சுத்தம் செய்யுங்கள். பிசுபிசுப்பும் போய்விடும். இந்த இடமும் பளிச் சென்று மாறிவிடும். அதுபோன்று வீட்டை தண்ணீரில் துடைத்தாலோ அல்லது கழுவினாலோ சிறிது உப்பை தண்ணீரில் கலந்தால், தரையில் உள்ள கிருமிகளை அழித்துவிடும்.
 - என். எஸ்
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

பெண்களால் முடியாதது எதுவுமில்லை!
சமையல்! சமையல்!
சமையல் அறை சுத்தமாக இருக்க...!
அரிசியின் பயன்கள்!
தோலின் ஆரோக்கியத்திற்கு உதவும் 6 சத்துகள்!