செவ்வாய்க்கிழமை 16 ஜூலை 2019

நடிகை மாதவியின் புதிய அவதாரம்..!

Published: 19th June 2019 12:02 PM

"தில்லு முல்லு', "ராஜபார்வை', "டிக் டிக் டிக்' போன்ற படங்களில் நடித்த மாதவியை மறக்க முடியுமா..?
பதினேழு ஆண்டுகள் நடிகையாக இருந்த மாதவி ஹிந்தி, தமிழ், தெலுங்கு, கன்னடம், மலையாள மொழிப் படங்கள் உட்பட சுமார் முன்னூறு படங்களில் நடித்துள்ளார். திருமணம் ஆனதும் அமெரிக்க வாசம் என்பதினால் எல்லா படவுலகுக்கும் முழுக்கு போட்டுவிட்டு போனார். இப்படி பல நடிகைகள் திருமணத்திற்குப் பிறகு அமெரிக்கா சென்றாலும் சில நடிகைகள் மீண்டும் நடிக்க வந்தனர். ஆனால் மாதவி போனவர் போனதுதான். திரைப்படவுலகை திரும்பிக் கூடப் பார்க்கவில்லை.
அமெரிக்காவில் நியூஜெர்சியில் நாற்பது ஏக்கர் பரப்புள்ள மனையில் கட்டப்பட்ட பங்களாவில் மாதவி வசித்து வருகிறார். மாதவிக்கு திருமணம் நடந்தது 1996- இல். கணவர் ரால்ஃப் பாதி இந்தியர். பாதி ஜெர்மன்காரர். மாதவி - ரால்ஃபிற்கு மூன்று மகள்கள்.
வீட்டு நிர்வாகத்துடன் கணவரின் பிசினஸ்சிலும் உதவும் மாதவி புதிய அவதாரம் எடுத்திருக்கிறார். விமான ஓட்டியாக பயிற்சி பெற்று லைசென்சும் வாங்கிவிட்டார். சொந்த விமானம் இருந்தும் விமானத்தில் போக வேறொரு பைலட்டின் துணை வேண்டியிருக்கிறதே என்று நினைத்த மாதவி விமானம் ஓட்டும் பயிற்சியில் சேர்ந்து தேர்வும் பெற்றுவிட்டார். மாதவி இப்போது விமானத்தை தானே ஒட்டி பறக்கிறார்..! அநேகமாக இந்திய நடிகைகளில் விமானம் ஓட்டத் தெரிந்த நடிகை மாதவியாகத்தான் இருப்பார்.!
- சுதந்திரன்

 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

வெற்றிக்கான தனி சூத்திரம் எதுவுமில்லை!
சமையல்! சமையல்!
மயான வேலையை மனமுவந்து செய்யும் பெண்!
பற்களை பாதுகாத்திட ...
டிப்ஸ்.. டிப்ஸ்...