சென்னையிலிருந்து நாட்டு நலத்திட்ட சேவைக்காக ஒரு கிராமத்திற்கு வருகிறார்கள் கல்லூரி மாணவிகள். இதே ஊரில் மருத்துவத்துறையில் வேலை பார்க்கும் இளைஞனை, மாணவி ஒருவர் சந்திக்கிறார். தொடர் சந்திப்புகள் காதலாக மாறுகிறது. முகாம் முடிந்து சென்னைக்கு வருகிறாள் அந்த மாணவி. அவளைத் தேடி கிராமத்திலிருந்து சென்னை வருகிறான் இளைஞன். இருவரும் சந்தித்தார்களா? இவர்களது காதல் நிறைவேறியதா? என்பதை விறுவிறுப்பாகச் சொல்ல வரும் படம் "தொட்டு விடும் தூரம்'.
உஷா கிரியேஷன்ஸ் மற்றும் ரக்ஷந்த் கிரியேஷன்ஸ் நிறுவனங்கள் இணைந்து தயாரித்துள்ளது. விவேக்ராஜ், மோனிகா சின்னகோட்லா, லிவிங்ஸ்ட ன், சீதா, சிங்கம்புலி, பாலசரவணன், ஜீவாரவி, ராஜசிம்மன், கிரேன் உள்ளிட்டோர் நடிக்கின்றனர். நாகேஸ்வரன் எழுதி இயக்குகிறார். நாகர்கோவில், சென்னை உள்ளிட்ட இடங்களில் படப்பிடிப்பு நடைபெற்று முடிவடைந்தது. இறுதிக்கட்ட பணிகள் நடைபெற்று வருகிறது. அடுத்த மாத இறுதியில் படம் திரைக்கு வருகிறது.