தினமணி கதிர்

திரைக் கதிர்

DIN

ஜுனியர் என்டிஆர், ராம் சரண், அஜய் தேவ்கன், சமுத்திரகனி, ஆலியாபட் உள்ளிட்டோரை வைத்து "ஆர்ஆர்ஆர்' எனும் படத்தை இயக்குகிறார் ராஜமவுலி. சுதந்திரப் போராட்டக் கால கதையாக உருவாகும் இப்படத்தில் மலை வாழ் பெண்ணாக ஐஸ்வர்யா ராஜேஷ் நடிக்கவுள்ளார்.

-----------------------------------------------------------------------

"அருவி' படத்தில் கதாநாயகியாக அறிமுகமானவர் அதிதி பாலன். அதற்கு அடுத்து தமிழில் வாய்ப்புகள் இல்லை. நிவின்பாலி நடிப்பில் "படவேட்டு' என்கிற மலையாளப் படத்தில் கதாநாயகியாக நடிக்க ஒப்பந்தமானார். தற்போது பிருத்விராஜ் நடிப்பில் "கோல்ட் கேஸ்' என்கிற படத்தில் கதாநாயகியாக ஒப்பந்தமாகியுள்ளார்.

-----------------------------------------------------------------------


நடிகர் நாசரின் மூன்று மகன்களில் கடைசி மகன் அபிஹாசன். விக்ரம் நடித்த "கடாரம் கொண்டான்'படத்தில் அறிமுகமானார். இதில் அவர் அக்ஷராஹாசன் ஜோடியாக நடித்தார். தற்போது சி.வி.குமார் தயாரிப்பில் "கேபிள்' சங்கர் இயக்கும் படத்தில் கதாநாயகனாக நடிக்கிறார்.
 

-----------------------------------------------------------------------

இயக்குநர் பாரதிராஜாவின் மகன் மனோஜ் பாரதி இயக்குநர் அவதாரம் எடுக்கிறார். "சுட்ட கதை', "நளனும் நந்தினியும்' உள்ளிட்ட பல படங்களைத் தயாரித்திருக்கும் லிப்ரா புரொடெக்ஷன்ஸ் நிறுவனம் சார்பில் ரவீந்தர் சந்திரசேகர் இப்படத்தைத் தயாரிக்கிறார்.

-----------------------------------------------------------------------

சத்யஜோதி பிலிம்ஸ் தயாரிப்பில், கார்த்திக் நரேன் இயக்கும் படத்தில் நடிக்கப் போகிறார் தனுஷ். அவருக்கு ஜோடியாக மாளவிகா மோகனன் ஒப்பந்தமாகிஉள்ளார்.

-----------------------------------------------------------------------

வெங்கட்பிரபு தொடங்கியுள்ள ப்ளாக் டிக்கெட் நிறுவனம் ஆந்தாலஜி படம் ஒன்றைத் தயாரிக்கவுள்ளது. இதனை வெங்கட் பிரபு, பா.ரஞ்சித், ராஜேஷ் மற்றும் சிம்பு தேவன் ஆகியோர் இயக்குகின்றனர்.

-----------------------------------------------------------------------


இன்ஸ்டாகிராம் பக்கத்தில் பரபரப்பாக இயங்கி வருகிறார் பிரியா வாரியர். விதவிதமான புகைப்படங்களால் தினமும் வலைதளத்தை ஆக்கிரமிக்கிறார். ஏராளமான ஃபாலோயர்களைக் கொண்டுள்ள நடிகையாகவும் இருக்கிறார். தற்போது இவர் வெளியிட்டுள்ள புகைப்படங்களும் விடியோக்களும் வைரலாகி வருகின்றன.

-----------------------------------------------------------------------

பா.ரஞ்சித் இயக்கத்தில் குத்துச்சண்டையை மையப்படுத்தி, வடசென்னையைக் களமாகக் கொண்டு உருவாகும் இப்படத்தில் ஆர்யா கதாநாயகனாக நடிக்கிறார். ""இது போன்ற அற்புதமான சிறந்த விளையாட்டுப் படத்தை நான் ஒப்பு கொள்ளாமல் இருந்தால் வருத்தப்பட்டிருப்பேன்'' என சுட்டுரையில் தெரிவித்துள்ளார் ஆர்யா. 

-----------------------------------------------------------------------

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பொறியியல் பட்டதாரிகளுக்கு இந்திய விமான நிலைய ஆணையத்தில் கொட்டிக்கிடக்கும் வேலைவாய்ப்புகள்!

சுனைனா, நவீன் சந்திராவின் இன்ஸ்பெக்டர் ரிஷி!

இதுதான் எனது சிறந்த ஓவர்; மனம் திறந்த ஆவேஷ் கான்!

விவசாய கண்காணிப்புத் துறையில் வேலை: 30-க்குள் விண்ணப்பங்கள் வரவேற்பு!

அலைமகள்.. சாய் தன்ஷிகா!

SCROLL FOR NEXT