புதுதில்லி: இந்தியாவின் முன்னணி மருந்து தயாரிப்பு நிறுவனங்களில் ஒன்றான டாக்டா் ரெட்டிஸ் லேபரடரீஸின் நிகர லாபம் 30 சதவீதம் சரிவைச் சந்தித்துள்ளது.

இதுகுறித்து அந்த நிறுவனம் தெரிவித்துள்ளதாவது:

செப்டம்பா் மாதத்துடன் நிறைவடையும் இந்த நிதியாண்டின் இரண்டாவது காலாண்டில், நிறுவனத்தின் நிகர லாபம் ரூ.726.3 கோடியாக உள்ளது. இது, கடந்த ஆண்டின் அதே கால அளவோடு ஒப்பிடுகையில் 30 சதவீதம் குறைவாகும்.

கடந்த ஆண்டின் இந்த மாதங்களில் நிறுவனத்தின் நிகர லாபம் 1,092.5 கோடியாக இருந்தது.

இந்த நிதியாண்டின் 2-ஆவது காலாண்டில் நிறுவனத்தின் வருவாய் ரூ.4,896.7 கோடியாக உள்ளது. கடந்த ஆண்டின் இதே மாதங்களில் வருவாய் ரூ.4,800.9 கோடியாக இருந்தது என்று நிறுவனம் தெரிவித்துள்ளது.