மகளிா் உரிமைத் தொகை திட்டத்தால் விளைந்த சமூகத் தாக்கங்கள் குறித்து, திட்டக் குழு அறிக்கை அளிக்க முதல்வா் மு.க.ஸ்டாலின் உத்தரவிட்டாா்.
மாநில திட்டக்குழுவின் நான்காவது கூட்டம், குழுவின் தலைவரும், முதல்வருமான மு.க.ஸ்டாலின் தலைமையில், சென்னை தலைமைச் செயலகத்தில் வெள்ளிக்கிழமை நடைபெற்றது. இந்தக் கூட்டத்தில், அவா் பேசியதாவது:
மாநில அரசு செல்ல வேண்டிய பாதை, செல்லும் பாதை சரியானது தானா என்பதையும் அறிவுறுத்தும் அமைப்பாக திட்டக்குழு சிறப்பாக செயல்பட்டு வருகிறது. இதற்காக திட்டக்குழுவினருக்கு பாராட்டுகள். சில முக்கிய கொள்கைகளை வகுக்கும் பணி திட்டக்குழுவுக்கு வழங்கப்பட்டுள்ளது.
குறிப்பாக, மின் வாகனம், தொழில், துணிநூல், கைத்தறி, சுற்றுலா என பல்வேறு துறைகளுக்கான தனித்த கொள்கைகளை தயாரித்து திட்டக்குழு அளித்துள்ளது. இதேபோன்று, கழிவு மேலாண்மை, நிலப் பயன்பாடு, நீா்வள ஆதாரம், வேலைவாய்ப்பு மற்றும் திறன், வீட்டுவசதி ஆகியவற்றுக்கான கொள்கைகளையும் விரைந்து இறுதி செய்ய வேண்டும்.
திட்ட ஆய்வறிக்கைகள்: திட்டக்குழு ஆய்வறிக்கைகளில் முக்கியமாகக் கருதுவது அரசு செயல்படுத்தி வரும் திட்டங்கள் குறித்த அறிக்கைகள்தான். இந்த அறிக்கைகள் வழியாக, அரசுத் திட்டங்கள் மக்களுக்கு எந்தளவுக்கு பயன்களைத் தருகின்றன என்பதை அறிய முடிகிறது. குறிப்பாக, மகளிா் இலவச பயணத் திட்டத்தால், ஒவ்வொரு பெண்ணும் மாதந்தோறும் ரூ.800 முதல் ரூ.1,200 வரை சேமிக்கிறாா்கள் என்ற தகவல் கிடைக்கப் பெற்றது.
இல்லம் தேடிக் கல்வி, மக்களவைத் தேடி மருத்துவம், நான் முதல்வன் போன்ற திட்டங்களால் மக்களுக்கு மிகப்பெரிய அளவில் பயன்கள் கிடைத்துள்ளன. இப்போது மகளிருக்கு ஆயிரம் ரூபாய் உரிமைத் தொகை வழங்கி வருகிறோம். இது மகளிருக்கு எத்தகைய மகிழ்ச்சியை வழங்கி வருகிறது என்பதை அனைவரும் அறிவோம். மகளிா் உரிமைத் தொகை திட்டம் சமூகத்தில் ஏற்படுத்துகிற தாக்கங்களை ஆய்வுபூா்வமாக உறுதி செய்து திட்டக்குழு சாா்பில் அறிக்கை அளிக்கலாம்.
கள ஆய்வு வேண்டும்: இந்தச் சூழலில், இரு முக்கிய வேண்டுகோள்களை திட்டக் குழுவினா் முன் வைக்கிறேன். தமிழக அரசின் கீழ், பொருளாதாரம் மற்றும் புள்ளியியல், மதிப்பீடு மற்றும் ஆய்வுத் துறைகள் செயல்பட்டு வருகின்றன. இந்தத் துறைகளை இணைத்துக் கொண்டு மாநில திட்டக்குழு செயல்பட வேண்டும். இந்த ஒருங்கிணைப்பு மிக அவசியம். திட்டக் குழு சாா்பில் பல்வேறு ஆலோசனைகளும், கருத்துகளும் முன்வைக்கப்படுகின்றன. இவற்றை அரசுத் துறைகள் முழுமையாகவும் சரியாகவும் பயன்படுத்துகின்றனவா, பின்பற்றுகின்றனவா என்ற ஆய்வை மேற்கொள்ள வேண்டும். புள்ளி விவரங்களாக மட்டுமல்ல, கள ஆய்வுகள் மூலமாகவும் இதை செய்ய வேண்டும் என்றாா் முதல்வா் மு.க.ஸ்டாலின்.
இந்தக் கூட்டத்தில், நிதி மற்றும் மனிதவள மேலாண்மைத் துறை அமைச்சா் தங்கம் தென்னரசு, மாநில திட்டக்குழு துணைத் தலைவா் ஜெ.ஜெயரஞ்சன், தலைமைச் செயலா் சிவ்தாஸ் மீனா, முதல்வரின் செயலா் நா.முருகானந்தம், திட்டம் மற்றும் வளா்ச்சித் துறை கூடுதல் தலைமைச் செயலா் கே.கோபால், நிதித் துறைச் செயலா் (செலவினம்) எஸ்.நாகராஜன், மாநிலத் திட்டக் குழு உறுப்பினா்கள் உள்பட பலா் பங்கேற்றனா்.