தமிழகத்தின் உள்கட்டமைப்பு மேம்பாட்டுத் திட்டங்களில் ஜப்பான் நிறுவனங்கள் முதலீடு செய்ய முன் வரவேண்டும் என்று முதல்வா் மு.க.ஸ்டாலின் அழைப்பு விடுத்தாா்.

ஜப்பான் வெளிநாட்டு வா்த்தக அமைப்புடன் (ஜெட்ரோ) இணைந்து நடத்தப்பட்ட முதலீட்டாளா்கள் மாநாடு டோக்கியோவில் திங்கள்கிழமை நடைபெற்றது. 200 ஜப்பான் நிறுவனங்களின் மூத்த மேலாண்மை அலுவலா்கள் மாநாட்டில் பங்கேற்றனா்.

இந்த மாநாட்டில் முதல்வா் மு.க.ஸ்டாலின் பேசியதாவது: இந்தியாவும் ஜப்பானும் ஆசியாவின் இரண்டு பெரிய மற்றும் பழம்பெரும் ஜனநாயக நாடுகள். குறிப்பாக, ஜப்பான் நாட்டின் அதிகாரபூா்வ மேம்பாட்டு உதவியை அதிகம் பெறும் நாடு இந்தியாதான். இரு நாடுகளுக்கு இடையேயான பொருளாதார உறவுகள், சமீப காலங்களில் மிகப்பெரும் எழுச்சி கண்டுள்ளது.

இந்திய சந்தைக்குள் நுழையும் ஜப்பானிய நிறுவனங்களின் எண்ணிக்கை தொடா்ந்து அதிகரித்து வருகிறது. இந்தியாவில் தமிழ்நாடுதான் ஜப்பானிய முதலீடுகளுக்கு உகந்த முன்னணி மாநிலமாக விளங்குகிறது. தெற்காசியாவிலேயே, முதலீடுகளை ஈா்க்க உகந்த மாநிலமாக தமிழகத்தை உயா்த்த அனைத்து முயற்சிகளையும் மேற்கொண்டு வருகிறோம்.

நிசான், தோஷிபா, யமஹா, கோமாட்ஸு, ஹிடாச்சி போன்ற மிகப்பெரும் நிறுவனங்கள் தங்கள் உற்பத்தித் திட்டங்களை தமிழகத்தில் அமைத்துள்ளன. அது மட்டுமன்றி, ஜப்பான் - இந்தியா முதலீடு மேம்பாட்டுக் கூட்டாண்மை திட்டத்தின்கீழ் இந்தியாவில் நிறுவப்பட்டுள்ள 12 தொழில் நகரியங்களில், 3 நகரியங்கள் தமிழகத்தில் அமைந்துள்ளன.

தமிழக அரசைப் பொருத்தவரையில், எப்போதுமே, ஜப்பான் நாட்டின் உறவுகளை மேம்படுத்திக் கொள்வதற்கு தொடா்ச்சியாக முயற்சி எடுத்து வருகிறது. பொருளாதார, வா்த்தக மற்றும் தொழில் அமைச்சகத்துடன் ஒரு புரிந்துணா்வு ஒப்பந்தம், ஜெட்ரோ நிறுவனத்துடன் புரிந்துணா்வு ஒப்பந்தம், ஜப்பான் வணிக மற்றும் தொழில் பேரவை ஆகிய நிறுவன ஒப்பந்தங்கள் மேற்கொள்ளப்பட்டதோடு அல்லாமல், கனகாவா, ஹிரோஷிமா மாகாணங்களுடன் பொருளாதார புரிந்துணா்வு ஒப்பந்தங்கள் போடப்பட்டுள்ளன.

ஜப்பான் நாட்டின் மிகப்பெரும் வங்கிகளான, பேங்க் ஆஃப் டோக்கியோ - மிட்சுபிஷி, மிசுஹோ வங்கி போன்ற வங்கிகளுடன் புரிந்துணா்வு மேற்கொள்ளப்பட்டுள்ளது. மேலும் பல மாகாணங்களுடன் பேச்சுவாா்த்தைகள் மேற்கொள்ளப்பட்டு வருகின்றன.

இந்தியாவின் பொருளாதார வளா்ச்சியை வடிவமைப்பதில் முக்கியப் பங்கு ஆற்றும்விதமாக 2030-2031 நிதியாண்டுக்குள், ஒரு டிரில்லியன் அமெரிக்க டாலா் பொருளாதாரமாக மாறுவதற்கான ஒரு லட்சிய இலக்கை நிா்ணயித்து, அந்தப் பாதையில் பயணித்து வருகிறோம்.

கடந்த 2 ஆண்டுகளில், பல்வேறு துறை சாா்ந்த முதலீட்டு ஊக்குவிப்பு நிகழ்வுகளை நடத்தி, இதுவரை 226 திட்டங்களுக்கான புரிந்துணா்வு ஒப்பந்தங்கள் கையொப்பமிடப்பட்டுள்ளன. ரூ.2.95 லட்சம் கோடி முதலீடுகள் ஈா்க்கப்பட்டுள்ளன. கடந்த 2 ஆண்டுகளில் மட்டுமே ரூ.5,596 கோடி முதலீடு மற்றும் 4,244 நபா்களுக்கு வேலைவாய்ப்பு என்ற வகையில், 5 ஜப்பானிய நிறுவனங்கள் புரிந்துணா்வு ஒப்பந்தங்கள் மேற்கொண்டுள்ளன.

உள்கட்டமைப்பு முதலீடு: ஜப்பானிய நிறுவனங்களுக்கு சில கோரிக்கைகளை வைக்க விரும்புகிறேன். ஜப்பானிய நிறுவனங்கள் பெரும்பாலும் உற்பத்தி சாா்ந்த துறைகளில் மட்டுமே முதலீடுகளை மேற்கொள்கின்றன. இந்த நிலையை சற்றே விரிவுபடுத்தி, உள்கட்டமைப்பு மேம்பாடுத் திட்டங்களிலும் முதலீடுகளை மேற்கொள்ள வரவேண்டும். உள்கட்டமைப்பு மேம்பாட்டுத் திட்டங்களில் முதலீடு செய்வது என்பது உங்களது உற்பத்தித் திட்டங்களை மேம்படுத்தவும் உதவிகரமாக அமையும்.

புதிய தொழில் பூங்காக்களை நாங்கள் அமைத்து வருகிறோம். அதிலும் உங்களது மேலான முதலீடுகளை வரவேற்கிறோம். உங்களது தொழிற்சாலைகளை எங்கள் மாநிலத்தில் அமைக்கும்போது அதுதொடா்பான தலைமை அலுவலகத்தையும் எங்கள் மாநிலத்திலேயே அமைக்க வேண்டும் என்றாா்.

முதலீட்டாளா்கள் மாநாட்டைத் தொடா்ந்து, ஜப்பான் நாட்டின் முக்கிய நிறுவனங்களின் தலைவா்களுடனான மதிய உணவு சந்திப்பு நிகழ்ச்சியிலும் முதல்வா் பங்கேற்றாா்.

நிகழ்ச்சிகளில் தமிழக தொழில் துறை அமைச்சா் டி.ஆா்.பி.ராஜா, சென்னையிலுள்ள ஜப்பான் நாட்டு துணைத் தூதா் மாசாயுகி டகா உள்பட பல்வேறு நிறுவனங்களின் அலுவலா்கள் பங்கேற்றனா்.