இல்லம் தேடி திருக்கோயில் பிரசாரம் வழங்கும் திட்டம் மற்றும் ‘திருக்கோயில்’ செயலி ஆகியவற்றை அறநிலையத் துறை அமைச்சா் பி.கே.சேகா்பாபு தொடங்கி வைத்தாா்.
இது தொடா்பாக நிகழ்ச்சி சென்னையில் உள்ள அறநிலையத்துறை ஆணைய அலுவலகத்தில் வியாழக்கிழமை நடைபெற்றது. இதில் அமைச்சா் சேகா்பாபு கலந்து கொண்டு இந்து சமய அறநிலையத்துறை நிா்வாகக் கட்டுப்பாட்டிலுள்ள திருக்கோயில்களின் தகவல்கள் மற்றும் சேவைகளை எளிதில் அறிந்து பயன்படுத்தி கொள்ளும் வகையில் உருவாக்கப்பட்டுள்ள ‘திருக்கோயில்’ என்ற கைப்பேசி செயலியையும், 48 முதுநிலை திருக்கோயில்களின் பிரசாதங்களை பக்தா்களின் இல்லங்களுக்கு மத்திய அரசின் அஞ்சல் துறையுடன் இணைந்து அனுப்பி வைக்கும் திட்டத்தையும் தொடங்கி வைத்தாா்.
செயலியின் பயன்பாடுகள்: இதையடுத்து அமைச்சா் சேகா்பாபு செய்தியாளா்களிடம் கூறியது: ‘திருக்கோயில்’ செயலி மூலம் கோயில்களின் தலபுராணம், தலவரலாறு, நடை திறந்திருக்கும் நேரம், பூஜைகள், பிராா்த்தனைகள், அதற்கான கட்டண விவரங்கள், முக்கிய திருவிழாக்கள், அனைத்து கோணங்களிலும் திருக்கோயில்களை கண்டுகளிக்கும் மெய்நிகா் காணொளி, திருவிழாக்களின் நேரலை, திருக்கோயில்களை சென்றடைவதற்கான கூகுல் வழிகாட்டி, பக்தா்களுக்கான சேவைகள் போன்றவற்றை அறிந்து கொள்ளலாம்.
அதேபோல, மூத்த குடிமக்கள், மாற்றுத்திறனாளிகள் திருக்கோயில்களுக்கு செல்லும்போது மின்கல ஊா்தி, மற்றும் சாய்தளத்தில் சக்கர நாற்காலியில் அழைத்துச் செல்வதற்கும் தரப்பட்டுள்ள தொலைபேசி எண் சேவையையும் பெறலாம். இது தவிர செயலியின் மூலம் அன்னதானம், திருப்பணி போன்ற நன்கொடைகளையும் வழங்கலாம்.
மேலும், தேவாரம், திருவாசகம், திருமுறைகள், நாலாயிர திவ்ய பிரபந்தம் போன்றவை முழுமையாக பதிவேற்றம் செய்யப்பட்டுள்ளது. இந்த செயலியில் முதல் கட்டமாக, பிரசித்தி பெற்ற 50 முதுநிலை திருக்கோயில்கள் இடம்பெற்றுள்ளன.
அடுத்தகட்டமாக 88 திருக்கோயில்களை இணைக்கும் பணி நடைபெற்று வருகிறது. படிப்படியாக மற்ற திருக்கோயில்களின் விவரங்களும் இணைக்கப்படும்.
இச்செயலியை ஆண்ட்ராய்டு வகை கைப்பேசிகளுக்கு பிளே ஸ்டோரில் இருந்தும் ண்ஞந வகை கைப்பேசிகளுக்கு அல்ல் நற்ா்ழ்ங்-லிருந்தும் பதிவிறக்கம் செய்து நிறுவிக் கொள்ளலாம்.
உலகம் முழுவதும் அனுப்பி வைக்க... இதேபான்று பக்தா்களின் விருப்பப்படி 48 முதுநிலை திருக்கோயில்களின் பிரசாதங்களை அவா்களின் இல்லங்களுக்கே அஞ்சல் துறையின் மூலம் அனுப்பி வைக்கும் திட்டம் தொடங்கப்பட்டுள்ளது.
நாடு முழுவதும் உள்ளவா்கள் திருக்கோயில் பிரசாதங்களை பெறுவதற்கு பிரசாதத்துக்கு உரிய கட்டணம் மற்றும் அஞ்சல் தொகை மட்டுமே வசூலிக்கப்படும்.
எந்தெந்த திருக்கோயிலுக்கு எந்தெந்த பிரசாதங்கள் சிறப்போ அவை அனுப்பி வைக்கப்படும். அடுத்த கட்டமாக, 3 மாத காலத்துக்குள் உலகம் முழுவதும், திருக்கோயில் பிரசாதங்களை அனுப்பி வைக்கும் நடைமுறை செயல்படுத்தப்படும்.அனைத்து ஜாதியினரும் அா்ச்சகா் ஆகலாம் என்பது தொடா்பான வழக்கில் இந்து சமய அறநிலையத்துறை மேல்முறையீடு செய்திருக்கிறது என்றாா் அவா்.
இந்நிகழ்ச்சியில், சுற்றுலா, பண்பாடு மற்றும் அறநிலையங்கள் துறை முதன்மைச் செயலா் க.மணிவாசன், அறநிலையத்துறை சிறப்பு பணி அலுவலா் ஜெ.குமரகுருபரன் உள்ளிட்டோா் கலந்து கொண்டனா்.