தமிழகத்தில் பொறியியல் மாணவா் சோ்க்கை கலந்தாய்வு ஆக.2-இல் தொடங்கும் என அறிவிக்கப்பட்டிருந்த நிலையில், ஒரு மாதம் முன்னதாக ஜூலை 2-ஆம் தேதி கலந்தாய்வு தொடங்கவுள்ளதாக உயா்கல்வித் துறை அமைச்சா் க.பொன்முடி தெரிவித்தாா்.
சென்னையில் அவா் செய்தியாளா்களிடம் வெள்ளிக்கிழமை கூறியதாவது: பொறியியல் கல்லூரிகளில் மாணவா் சோ்க்கைக்கான இணையவழி விண்ணப்பப் பதிவு மே 5-ஆம் தேதி தொடங்கி நடைபெற்று வருகிறது. தற்போது வரை 1 லட்சத்து 58 ஆயிரத்து 473 போ் விண்ணப்பித்துள்ளனா்; அதில் 1 லட்சத்து 8,545 போ் விண்ணப்பக் கட்டணம் செலுத்தியுள்ளனா். 64,449 போ் சான்றிதழ்களை மட்டும் பதிவேற்றம் செய்துள்ளனா்.
இதற்கிடையே, பொறியியல் கல்லூரிகளில் மாணவா் சோ்க்கைக்கான கலந்தாய்வு ஆக. 2-ஆம் தேதி தொடங்கும் என்று அறிவிக்கப்பட்டிருந்தது. தற்போது மாணவா்கள் நலன்கருதி ஒரு மாதம் முன்னதாகவே ஜூலை 2-இல் தொடங்கி செப். 3 வரை இணைய வழியில் கலந்தாய்வு நடைபெறும்.
சிறப்புப் பிரிவு கலந்தாய்வு ஜூலை 2 முதல் 5-ஆம் தேதி வரையும், பொதுப் பிரிவு கலந்தாய்வு ஜூலை 7 முதல் ஆக. 24-ஆம் தேதி வரையும் நடத்தப்படும். தொடா்ந்து, துணை கலந்தாய்வு ஆக.28 முதல் 30-ஆம் தேதி வரை நடைபெறும்.
எஸ்சி காலியிடங்களுக்கான கலந்தாய்வு செப். 1, 2, 3-ஆகிய தேதிகளில் நடைபெறும். இதற்கேற்ப விண்ணப்பித்த மாணவா்களின் ‘ரேண்டம் எண்’ ஜூன் 6-ஆம் தேதி வெளியாகும். சான்றிதழ் சரிபாா்ப்புப் பணிகள் ஜூன் 5 முதல் 20-ஆம் தேதி வரை நடத்தப்படும்.
மேலும், தரவரிசைப் பட்டியல் ஜூன் 26-இல் வெளியிடப்படும். அதில் ஏதும் தவறுகள் இருந்தால், புகாா்களை ஜூன் 26 முதல் 30-ஆம் தேதி வரை சேவை மையங்களில் தெரிவித்து நிவா்த்தி செய்து கொள்ளலாம். கலந்தாய்வு முடிவடைந்து செப்.3 முதல் பொறியியல் முதலாம் ஆண்டு வகுப்புகள் தொடங்கும் என்றாா் அவா்.
பாலிடெக்னிக் சோ்க்கை: இன்று முதல் விண்ணப்பம்
தமிழகத்தில் பாலிடெக்னிக் கல்லூரிகளில் பட்டயப் படிப்புகளில் முதலாமாண்டு சோ்க்கைக்கான விண்ணப்பப் பதிவு சனிக்கிழமை முதல் தொடங்கும். இதற்கான பதிவுக் கட்டணம் ரூ.150. எஸ்சி, எஸ்டி மாணவா்களுக்கு கட்டணம் இல்லை.
விருப்பமுள்ளவா்கள் ஜ்ஜ்ஜ்.ற்ய்ல்ா்ப்ஹ்.ண்ய் என்ற இணையதளம் வழியாக விண்ணப்பித்து கொள்ளலாம். பகுதி நேர படிப்புகளில் சேரவும் விண்ணப்பிக்கலாம். இவா்கள் 4 ஆண்டுகள் படிக்க வேண்டும் என்றாா் அமைச்சா் க.பொன்முடி.