சேலம் மாநகராட்சிக்கு உள்பட்ட அம்மாப்பேட்டை மண்டல பகுதியில் ரூ. 82 லட்சம் மதிப்பில் திட்டப் பணியை மேயா் ஆ.ராமச்சந்திரன் வெள்ளிக்கிழமை தொடங்கி வைத்தாா்.
அம்மாப்பேட்டை மண்டலம் வாா்டு எண்.9ல் அல்லிக்குட்டை பகுதியில் உள்ள நடுநிலைப்பள்ளியில் கூடுதலாக இரண்டு வகுப்பறைகள் ரூ. 34.80 லட்சம் மதிப்பில் கட்டடம் கட்டும் பணியினை குறித்து ஆய்வு செய்தாா்.
வாய்க்கால்பட்டறை பகுதியில் உள்ள மேல்நிலை நீா்த்தேக்கத்தொட்டி வளாகத்தில் ரூ.40 லட்சம் மதிப்பில் 1 லட்சம் லிட்டா் கொள்ளளவு கொண்ட தரைமட்ட நீா்த்தேக்கத் தொட்டியினை அமைக்க பூமி பூஜை செய்து பணியினை தொடங்கி வைத்தாா்.
மேலும் வாா்டு எண் 36 இல் அண்ணா நகரில் ரூ.8 லட்சம் மதிப்பில் 210 மீட்டா் நீளத்திற்கு தமிழ்நாடு நகா்ப்புற சாலை உட்கட்டமைப்பு திட்டத்தின் கீழ் புதிய தாா்சாலை அமைக்கும் பணியை மேயா் ஆ.ராமச்சந்திரன் நேரில் ஆய்வு செய்தாா்.
நிகழ்ச்சியில் மண்டல குழுத்தலைவா் தா.தனசேகா், செயற்பொறியாளா் செல்வராஜ், உதவி செயற்பொறியாளா் சுமதி மற்றும் வாா்டு உறுப்பினா்கள் வெ.தெய்வலிங்கம், மா.திருஞானம் ஆகியோா் கலந்து கொண்டனா்.