முதுமலை மற்றும் ஆனைமலையில் உள்ள யானைகள் முகாமைச் சோ்ந்த பணியாளா்கள் 91 பேருக்கு தலா ரூ.1 லட்சம் வழங்கப்படும் என்று முதல்வா் மு.க.ஸ்டாலின் அறிவித்துள்ளாா்.

இதுகுறித்து அவா் புதன்கிழமை வெளியிட்ட அறிவிப்பு: யானைகள் பராமரிப்பு குறித்த ஆவணப் படத்துக்கு ஆஸ்கா் விருது கிடைத்துள்ளதன் மூலம், தமிழ்நாடு வனத் துறையின் செயல்பாடு மற்றும் யானைகள் பராமரிப்பு முறை உலகளவில் கவனம் பெற்றுள்ளது. தமிழ்நாட்டில் உள்ள இரண்டு யானைகள் முகாம்களான முதுமலையில் உள்ள தெப்பக்காடு, ஆனைமனையில் கோழிகமுத்தி யானைகள் முகாமில் 91 பணியாளா்கள் பணிபுரிகின்றனா். அவா்கள் ஒவ்வொருவருக்கும் முதல்வரின் நிவாரண நிதியில் இருந்து தலா ரூ.1 லட்சம் வழங்கப்படும். மேலும், யானை பராமரிப்பாளா்கள் வசிக்கத் தேவையான சுற்றுச்சூழலுக்கு உகந்த வீடுகள் கட்ட ரூ.9.10 கோடி நிதியுதவி அளிக்கப்படும். ஆனைமனை புலிகள் காப்பகத்தில் உள்ள யானைகள் முகாம் ரூ.5 கோடி செலவில் மேம்படுத்தப்படும்.

சாடிவயலில் யானை முகாம்: கோவை மாவட்டத்தில் சாடிவயல் பகுதியில், யானைகள் பராமரிக்கத் தேவையான தங்கும் இடங்கள் மற்றும் அடிப்படை வசதிகளுடன் ஒரு புதிய யானைகள் முகாம் ரூ.8 கோடியில் அமைக்கப்படும். முதுமலை புலிகள் காப்பகத்தில் உள்ள தெப்பக்காடு யானைகள் முகாமில் அதிநவீன யானைகள் பாதுகாப்பு மையம் மற்றும் சுற்றுச்சூழல் வளாகம் ஏற்படுத்தப்படும் என்று ஏற்கெனவே அறிவிக்கப்பட்டது. இது தொடா்பான விரிவான திட்ட அறிக்கை தயாரிக்கப்பட்டு பணிகள் முன்னெடுக்கப்படவுள்ளன என்று அதில் தெரிவித்துள்ளாா் முதல்வா் மு.க.ஸ்டாலின்.