தமிழ்நாடு ஈர நிலங்கள் இயக்கம் சாா்பில் 100 ஈர நிலங்களில் சுற்றுச்சூழல் மறுசீரமைப்புப் பணிகளுக்கு ரூ.115.15 கோடியை தமிழக அரசு ஒதுக்கியுள்ளதாக வனத்துறை அமைச்சா் மா.மதிவேந்தன் தெரிவித்தாா்.

வண்டலூா் அறிஞா் அண்ணா உயிரியல் பூங்கா வளாகத்திலுள்ள ஓட்டேரி ஏரியில் உலக சுற்றுச்சூழல் நாள் விழாவையொட்டி தமிழ்நாடு ஈர நிலங்கள் இயக்கம் தொடக்க விழா திங்கள்கிழமை நடைபெற்றது. இந்த விழாவில், வனத் துறை அமைச்சா் மா.மதிவேந்தன், குறு, சிறு மற்றும் நடுத்தர தொழில்துறை அமைச்சா் தா.மோ.அன்பரசன் ஆகியோா் கலந்து கொண்டனா். தொடக்க விழாவின் அடையாளமாக ஓட்டேரி ஏரியின் சுற்றுச்சூழல் சீரமைப்புப் பணிகளை தொடங்கி வைத்து மரக்கன்றுகளை நட்டு வைத்தாா்கள்.

பின்னா் நிகழ்ச்சியில் அமைச்சா் மதிவேந்தன் பேசியது: தமிழ்நாட்டில் 100 சதுப்பு நிலங்கள் அடையாளம் காணப்பட்டுள்ளன. அவை சதுப்பு நிலத்துக்கு சொந்தமான

துறைகள், தன்னாா்வ தொண்டு நிறுவனங்கள், உள்ளூா் சமூகங்கள், மாணவா்கள் போன்றவா்களுடன் கலந்தாலோசித்து ஒருங்கிணைந்த மேலாண்மை திட்டத்தின் அடிப்படையில் வரைபடமாக்கப்பட்டு, சூழலியல் ரீதியாக மீட்டெடுக்கப்படும்.

20 ஆண்டுகளுக்குப் பிறகு 13 புதிய ராம்சாா் தளங்களை தமிழகம் பெற்றுள்ளது. நாட்டில் மொத்தம் உள்ள 75-இல் 14 ராம்சாா் தளங்களை தமிழகம் பெற்றுள்ளது என்றாா் அவா்.

இந்நிகழ்ச்சியில் சுற்றுச்சூழல், காலநிலை மாற்றம் மற்றும் வனத் துறை கூடுதல் தலைமைச் செயலா் சுப்ரியா சாகு, செங்கல்பட்டு மாவட்ட ஆட்சியா் ஆ.ர.ராகுல்நாத், முதன்மை தலைமை வனப்பாதுகாவலா் (வனத் துறை தலைவா்) சுப்ரத் மஹாபத்ர, கூடுதல் முதன்மை தலைமை வனப்பாதுகாவலா் மற்றும் உறுப்பினா் செயலா், தமிழ்நாடு ஈர நில இயக்கம் தீபக் ஸ்ரீ வஸ்தவா, செங்கல்பட்டு சட்டப்பேரவை உறுப்பினா் ம.வரலட்சுமி மதுசூதனன் உள்ளிட்டோா் கலந்துகொண்டனா்.