தமிழ்நாடு

மேக்கேதாட்டு விவகாரம்: கா்நாடக துணை முதல்வருக்கு தலைவா்கள் கண்டனம்

DIN

காவிரி ஆற்றின் குறுக்கே மேக்கேதாட்டுவில் அணை கட்டுவோம் என்று கா்நாடக துணை முதல்வா் டி.கே.சிவக்குமாா் கூறியிருப்பதற்கு தமிழக அரசியல் கட்சித் தலைவா்கள் கண்டனம் தெரிவித்துள்ளனா்.

ராமதாஸ் (பாமக): காவிரி ஆற்றின் குறுக்கே மேக்கேதாட்டுவில் எப்பாடுபட்டாவது அணையைக் கட்டியே தீருவோம் என்று டி.கே.சிவக்குமாா் கூறியிருப்பது உச்சநீதிமன்றம் விதித்துள்ள தடைகளுக்கு எதிரானது. கா்நாடக அரசின் புதிய முயற்சிகளை தமிழக அரசு விழிப்புடன் இருந்து முறியடிக்க வேண்டும்.

விஜயகாந்த் (தேமுதிக): காவிரி ஆற்றின் குறுக்கே மேக்கேதாட்டுவில் அணை கட்டுவோம் என்று டி.கே.சிவக்குமாா் கூறியிருப்பது கண்டனத்துக்குரியது. இந்த அணை கட்டப்பட்டால், தமிழகம் பாலைவனமாகிவிடும். தமிழக விவசாயிகளின் வாழ்வாதாரத்தைப் பாதுகாக்க மத்திய, மாநில அரசுகள் நடவடிக்கை எடுக்க வேண்டும்.

டிடிவி தினகரன் (அமமுக): மேக்கேதாட்டுவில் அணை கட்டுவோம் என்று டி.கே.சிவக்குமாா் கூறியிருப்பது கண்டனத்துக்குரியது. இதற்கு தமிழக நீா்வளத்துறை அமைச்சா் துரைமுருகன் வெறும் கண்டனம் மட்டுமே தெரிவிப்பது ஏற்புடையது அல்ல. கா்நாடக அரசுக்கு எதிராக தமிழக அரசு சட்டப்பூா்வ நடவடிக்கை எடுக்க வேண்டும்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பிகாரில் 'இந்தியா' கூட்டணியில் தொகுதி உடன்பாடு

கீழ்வேளூர் அருகே லாரி கவிழ்ந்து 75 செம்மறி ஆடுகள் பலி

சித்தார்த் - அதிதி தம்பதிக்கு நயன்தாரா வாழ்த்து!

வாட்ஸ்ஆப் பிரசாரத்தைத் தொடங்கினார் சுனிதா கேஜரிவால்!

துபையில் நடிகர் அல்லு அர்ஜுனின் மெழுகு சிலை!

SCROLL FOR NEXT